Insi Ilaya Paladaise

Yeova alasisyapo iviipe vyonsi vino Satana wacita. Yeova wasonta Yesu ukuya Umwene aalateeka insi. Lino Yesu alaateeka, insi ilazipa cuze.—Daniele 7:13, 14; Luka 23:43.

Vino Yeova walaya aivi:

• IVYAKULYA IVINGI CUZE: ‘Insi ilamezya ivilimwa; Leza, Leza witu, alatupolelela.’ Kupya ‘kulaya ingaano iziingi umu nsi; na pa myamba kwene zilavula wakwe cimwi.’—Masamu 67:6; 72:16.

• KUTALAYA INKONDO NUPYA: ‘Izini, mwe yantu mwe, lolini imilimo yakwe Yeova, vino watacita ivintu ivya kuzungusya umu nsi. Akulenga inkondo ukusila ukufika kuno insi yapela.’—Masamu 46:8, 9.

• KUTALAYA ANTU AIPE: ‘Pano ya kacita ya viipe yalafumiziwapo. . . Kwasyala sile akasita akanono, nu mwipe atalayako; nupya ulalolekesya pano wali, ulazana ataayapo.’—Masamu 37:9, 10.

• 

  KUTALAYA INDWALA, ULANDA, NANTI IMFWA: ‘Pa nsita yiya amanso ya mpafu yalalola, na matwi yakwe ya cipuuli yaluvwa. Pa nsita yiya umu lemale maulu alatolooka wa nsaasu, nu lulimi lwakwe ciulu lulapuunda ni nsansa.’—Ezaya 35:5, 6.

  “Leza umwisikulu alaya nayo. Wene alayakumbula minsozi yonsi. Kutalaya imfwa nupya. Kutalaya kulosya nanti kulila, nanti kuvwa kuwaika. Vintu vya mpiti vyati vipita.”—Umbwilo 21:3, 4.

Satana ni viwa yakasomba, nomba Yeova wene atanga asombe. Vyonsi vino walaya vilacitika nanti ciye uli. (Luka 1:36, 37) Yeova wamutemwa, nupya akalonda ukuti muce mwikale umu Paladaise. Fwandi, mukaloonde ya Nte Yakwe Yeova pakuti muce musambilile icumi icazipisya icaya muli Baibolo. Ndi mukuomvya icumi icaya muli Baibolo muli vyonsi vino mukacita, mulakululwa uku kusombwa, uku vizumilo vya ufi, nu kuntamanya. Mukuya kwa nsita, mulakululwa nu kwiifyo ni mfwa. Yesu walanzile ati: “Mulamanya cumi nga ni cumi cilamukulula.”—Yoane 8:32.