ISAMBILILO 16

Ukulanda Ivisuma Ivya Kukomelezya

Yobo 16:5

IVILI UMWI SAMBILILO LII: Mwaika sana mano pali vino vingazwa ya kuvwa inu nu kuyacincizya, asi pa ntazi foo.

Ikini mano ku vintu vino ya kakutika inu yakaomba ningo. Tailini ukuti ya kapepa yauzo yakalonda ukuti yazanzya Yeova. Nanti icakuti mulinzile ukuyalungika, mwatandikilapo ukuyataizya lyonsi lino calondekwa ukucita vivyo.

Mwalanga ukutemwa umu mivwangile inu, mutaalanda kwati imusokela ya kakutika inu. Mwamwentula pakuti ya kakutika inu iyamanya ukuti imumanya vino yakupitamo nupya yangamutaila.
Mwacefyako ukulanda pa viipe. Mwalanda pa vyeo ivikulanda pa viipe umwi lyasi linu umu nzila ino vingavwa ya kakutika inu. Ivingi vino mukulanda umwi lyasi linu vilinzile ukuya ivisuma.
Mwaomvya ningo Izwi Lyakwe Leza. Mwaazwa ya kakutika inu ukuvwikisya vino Yeova wacita, vino akucita ndakai, na vino alacitila antunze uku nkoleelo. Mwayazwa ukuya nu upaalilo nupya mwayakomelezya.