Uzye Mwamanyapo Uli?

Uzye mpiti yasendanga uli umoto?

ILYASI lya muli Baibo ilikazanwa pa Utandiko 22:6 likalanda ukuti, pa kupeela impolelwa uku cifulo icayeliile ukutali, Abulaamu ‘watwisile Isaki inkwi zya kocela uwila, nga umwisikulu asenda cisonsololwa ca moto nu mwele, yapita yoili.’

Malembelo yataalumbula vino antu yacitanga mpiti pa kupemba umoto. Umwi walanzileko vimwi api lyasi lyakwe Abulaamu na Isaki ukuti, nga vitaaomvile “ukusenda umoto pa lwendo ulutali ukwaula kuti uzime.” Fwandi, limwi umuntu wii walozyanga uku viombelo vya kuomvya pa kupemba umoto.

Yauze yakalanda ukuti mpiti citangupiile ukupemba umoto. Limwi antu yapalanga sile umoto uku ina mupalamano ukuluta ukuti yaomvye iviombelo vimwi pa kupemba. Fwandi asambililila aingi yazumila ukuti Abulaamu wasenzile iciviya cimwi icali wa nyungu iyakweti ceni umunyepelelwe, amuno apalila amakala ya moto uno yaasenzile pa lwendo. Limwi wapazile umoto uno yapemvile uwanda uwafumileko. (Eza. 30:14) Ukusenda umoto umu nzila ya musango uu kwali nu kulenga ukuti yapembe umoto ukuomvya insaala zya nkwi apa nsita iliyonsi lino yaali pa lwendo.