Yesu “Wasambilile Ukuya ni Cuvwila”

Yesu watwalilile ukuya ni cuvwila kuli Yeova. (Yoa. 8:29) Nomba u mulandu ci uno Baibo ikalandila ukuti: “Wasambilile ukuya ni cuvwila uku vintu vino wacuzileko”?—Aeb. 5:8.

Lino Yesu wali pano nsi, wakweti intazi zino atakweti lino wali ukwi yulu. Wakwe, avyazi amukuzizye yatemilwe Yeova lelo yataali amalilike. (Luka 2:51) Intunguluzi zya mu mipepele alino na mu uteeko yacuzizye Yesu. (Mate. 26:59; Mako 15:15) Ukulunda pali vii, “waicefizye nupya wizile aya ni cuvwila ukufika lino wafwile,” kuli kuti imfwa iipishe.—Filipi 2:8.

Ivyacitikile Yesu vyalenzile ukuti asambilile ukuya ni cuvwila cino atasambilile ukwi yulu. Fwandi ivyacitikile Yesu vyalenzile ukuti aye Umwene umumalilike nupya Simapepo Mukalamba, uwali nu kulatulangulukilako. (Aeb. 4:15; 5:9) Lino Yesu wasambilile ukuya ni cuvwila uku ntazi zino wakweti, Yeova wizile amutemwa sana nu kulamuomvya sana. Naswe kwene Yeova angatutemwa sana nu kulatuomvya sana umu mulimo uno angatupeela ndi cakuti twatwalilila ukuya ni cuvwila asi mulandu ni zino tungakwata.—Yako. 1:4.