Iia Eo Moktata

KWO jela ke ta men eo moktata Noa im famili eo an r’ar kõmõne ke r’ar driojtok jen wa eo? R’ar kõmõne juõn men in katok ak lelok ñõn Anij. Kwo maroñ lo an kõmõne men in ilo pija in ilõl. Noa e ar lelok men in lelok in men in mour ko ñõn kamolol Anij kin an kar kejbarok famili eo an jen ibij liplip eo.

Kwoj lemnõk ke bwe Jeova e ar buñburuen kin men in lelok in? Aet, e ar. Im kin men in e ar kalimur ñõn Noa bwe e jamin bar kokkure lõl kin juõn ibij liplip.

Ejjab etto lõl e ar mõra, im Noa im famili eo an r’ar jino juõn mour ekãl ilikin wa eo. Anij e ar kajerammõn ir im jiroñ ir: “E aikwij lõñ ajiri ro nejõmi. Kom aikwij lõñlok mae ien armij re naj jokwe i aolepen lõl.”

Bõtap tokelik, ñe armij renaj roñ kin ibij liplip eo, re maroñ lelñoñ elañe juõn ibij liplip einwõt e naj bar walok. Kin men in Anij e ar lelok juõn men im enaj kakememij armij kin kalimur eo an bwe e jamin bar kokkure lõl kin juõn ibij liplip. Kwo jela ke ta eo e ar lelok ñõn kakememij ir? Kar juõn iia.

Ekka ar kõnan lo juõn iia ilo lõñ elañe al ej romak elikin an wut. Emaroñ lõñ unokan ko re aibujuij ilo iia ko. Kwo nañin lo ke juõn? Kwoj lo ke juõn ilo pija ne?

Eñin men eo Anij e ar ba: “Ij kalimur bwe e jamin bar wor kokkure armij im men in mour kin juõn ibij liplip. Ij likit iia in aõ ilo kõro ko. Im ñe iia in ej walok, I naj loe im kememij kalimur in aõ.”

Kin men in elañe kwoj lo juõn iia, enaj kakememij yuk kin ta? Aet, kalimur eo an Anij bwe e jamin bar kokkure lõl kin juõn ibij liplip.