Mwil Emõn Ej Bõktok Nebar

NEWSPAPER in Italy eo La Gazzetta del Mezzogiorno ear nebar Ri Kennan ro an Jehovah kin air kar je bwebwenato eo kin “Matera​—Jikin Jokwe in Roñ ko Ejej Uair.” Bwebwenato in ear walok ilo Awake! magazine eo an July 8, 1997, eo ear lap kajeeded ilo elõñ kajin ko. Awake! in rej ukõte ñan 81 kajin ko im leto-letak ilo elõñlok jen 19 million copy ko ibelakin lal. Newspaper eo ear nebar Awake! in bwe ear kõmman joñan eo elaptata ilo summer in “kin jerbal in kareelel ñan kowõnmanlok men in jolet in bwebwenanto im an aibujuij jikin kwelok [in Matera].”

Newspaper eo ear nebar Ri Kennan ro kin “Tõmak ilo Nan in Anij” District Convention eo kar kõmmane ilo Matera ilo 1997. Ennan eo ej kwalok bwe Ri Kennan ro rar maroñ in “bõk 4,000 armij ro ñan jikin ikkure in [an jikin kwelok eo] XXI Settembre Stadium ilo iolaplap in ien rak iumin okmãnãn in al; rar bõk eddon jerbal in kejbãrok im karreoiki, bar unoke, im kakõmõnmõnlok jikin ikkure in (elaptata jikin kebojak ko) ilo ejelok wõnãn ñan jidik, im ilo air make kõllãik wõnãn men ko rar wiaiki ñan kõkãle.”

Ri Kennan ro an Jehovah rar kate ir bwe ren ri turin ro remõn. (Matthew 22:37-39) Rar bareinwõt lor nan in kakabilek eo jen Jeje ko: “En ekar ami ber im kõmõn ilo bwiljin dri ailiñ ko; bwe, . . . ren kaibujuij Anij ilo ran eo ran in joij, kin ami jerbal ko remõn rej loi.”​—1 Peter 2:12.