Anij Ej ke Kea kin Iõ?
Uak ko ekkã an armij kwaloki:
▪ “Elap an Anij utiej ñõn lemnok kin abañ ko aõ.”
▪ “Ijjab tõmak bwe ej kea kin iõ.”
Ta eo Jisõs ear ba?
▪ “Re jab wiakaki lailim sparro kin ruo penni ke? im ejelok juõn iairmelokloke iman mejen Anij. A emwij bwini kõlan bõrõmi otemjelok. Komin jab mijõk: elap ami emõn jen elõñ sparro.” (Luk 12:6, 7) Ejelok berre, Jisõs ear katakin bwe Anij ej kea kin kij.
▪ “Inem komin jab inebata buruemi im ba, Ta je naj mõña? Ak ta je naj irak? Ak e naj kijkan ar balle? Bwe ro dri ailiñ ko rej bukot men kein otemjej; bwe Jememiuij i lõñ E jela ami aikwij men kein otemjej.” (Matu 6:31, 32) Jisõs ear tõmak bwe Anij ejela kin aikwij ko ar kajuju.
BAIBEL eo ej kwalok bwe Anij ej kea kin kij. (Sam 55:22; 1 Piter 5:7) Elañe ej eindrein, inem etke jej iion elap iñtan ranin? Elañe elap an Anij yokwe im ekajur otem kajur, etke ejjab kajemlok iñtan?
Uak eo ej kitibuj juõn men ejjab aolep armij rejela kake, eñin bwe Setan Devil eo ej iroij in lõl in enana. Ke ear kajeoñ kabo Jisõs, Setan ear ajelok aolep ailiñ ko an lõl ilo an ba: “Kajur kein otemjej im air aibujuij I naj lewõj ñõn Yuk; bwe emwij litok ñõn iõ: im ij lelok ñõn jabrewõt eo I kõnan.”—Luk 4:5-7.
Wõn eo ear kõmõn bwe Setan en iroij in lõl in? Ke ro jemer im jiner moktata, Adam im Iv, rar bokake Setan im kejekron kien eo an Anij, alikar bwe rar kãlet Setan einwõt iroij eo air. Jen ien eo rar jumae, Jeova Anij ear kwalok an meanwõr im kõtlok ien ñõn kalikar bwe wãwen iroij eo an Setan elikjõp. Jeova ejamin iun armij ñõn korijer ñõn e, bõtab ej letok juõn ien ebellok ñõn ar jeblak ñõn e.—Dri Rom 5:10.
Kinke Anij ej kea kin kij, ear karõk bwe Jisõs en lomoren kij jen iomin kajur eo an Setan. Ilo ran ko rej ber imar, Jisõs enaj “kokkure devil eo, kajur in mij iben.” (Dri Hibru 2:14) Ilo an eindrein, enaj “kokkure jerbal ko an devil.”—1 Jon 3:8.
Lõl in enaj bar jeblak ñõn juõn paredais. Ilo ien in, Anij “E naj kõmõraik jen mejeir dren in kemjãlãl otemjej, im e naj ejelok bar mij, im re jamin bar liãjlol, ak jõñ, ak iñtan; bwe men ko mokta [renaj] joko.”—Reveles̃õn 21:4, 5.a
[Kamelele ko itulal]
a Ñõn bõk melele ko relaplok kin etke Anij ej kõtlok iñtan, lale japter 8 ilo buk eo Jelãlokjen Eo Ej Tellok ñan Mour Indio, jeje in Dri Kennan ro an Jeova.
[Naan ko ilo peij 8]
Lõl in enaj bar jeblak ñõn juõn paredais