Box In Kajitõk
◼ Ñe rej kajitõk ibben juõn congregation ñõn jibañ in kõmmõn karõk ko kin juõn ilomij, kajitõk kein tok remaroñ walok:
Wõn eo ej aikwij kwalok katak kin mij eo? Ro uan family eo rej aikwij kõmmõn bebe in. Remaroñ kãlet jabdewõt brother emwij an baptais im emõn mwilin. Elañe rej kajitõk ibben kumi in elder ro ñõn kãlet juõn ri konono, ekkã air naj kãlet juõn elder eo ewor an maroñ ñõn kwalok katak eo me ej bedbed ion outline eo an Society. Meñe rejjab nebar ri mij eo, emaroñ ekkar ñõn kwalok kin kadkad ko remõn kadkadin me ear kwaloki.
Remaroñ ke kajerbal Kingdom Hall eo? Remaroñ kajerbale elañe emwij an bõk melim jen kumi in elder ro im elañe ejjab kautamweik ien kwelok ko emwij kalãjraki an congregation eo. Remaroñ kajerbal mõn kwelok eo elañe ear emõn mwilin ri mij eo im ear juõn ian uan congregation eo ak ajiri jidikdik eo nejin juõn ian ro uan. Elañe armij eo ear buñbuñ an nana, ak elañe ewor men ko jet me emaroñ katton etan congregation eo, elder ro remaroñ bebe ñõn jab kõtlok air kajerbal mõn kwelok eo.—Lale Our Ministry book, peij 62-3.
Ilo case ko ekkã an walok, rejjab kajerbal Kingdom Hall ko ñõn ilomije ro rejjab ri tõmak. Juõn oktak remaroñ kõmmõne elañe ro uan family eo remour rej ri kwalok ro emwij air baptais im rej kijejeto, elõñ ro uan congregation eo rej jela kajjen ri mij eo einwõt juõn armij eo ear emõn an lemnak kin mol eo im ro ilo bukwon eo rej kile e kin mwilin emõn, im ejelok manit ko an lõl in rej kobaiki ilo program eo.
Ñe rej kamelim air kajerbal Kingdom Hall eo, elder ro renaj lale elañe ej juõn manit ñõn kõtmene air lo juõn casket (box in ri mij) ilo jikin ilomij. Elañe ej, remaroñ kamelim air bõktok e ilo mõn kwelok eo.
Ta kin ilomij ko kin ri lõl in? Elañe ear emõn etan ri mij eo ilo bukwon eo, juõn brother emaroñ kwalok juõn katak kin Bible ej kainemõn ilo mõn ilomij ak turin jikin kallip eo. Congregation eo enaj abwin kõmmõn juõn ilomij kin juõn armij eo rej jela kajjen kin mwilin enana im etton ak elañe wãwen mour eo an elap an idabtok ibben nan in kakabilek ko ilo Bible. Juõn brother ejamin koba ibben juõn ri tel in bar juõn kabuñ ñõn kõmmõn juõn interfaith service (juõn katak elõñ kabuñ ko rej bõk kwunair ie) im ejamin bareinwõt bõk kwunan ilo juõn ilomij me rej kõmmõne ilo juõn imõn kabuñ an Babylon Elap.
Ta elañe ri mij eo ear bukwelok? Congregation eo ekkã an jamin bõk kwunan, im rejamin bareinwõt kamelim air kajerbal Kingdom Hall eo. Elañe armij eo ear kwalok leen ukwelok im kwalok juõn kõnan ñõn bar jeblak, bõklikit an juõn brother emaroñ kõtlok an kwalok juõn katak ilo mõn ilomij eo ak turin jikin kallip eo, ñõn kwalok juõn ennan ñõn ro rejjab tõmak im ñõn kainemõn ro nukun. Bõtap, mokta jen ej kõmmõn bebe in enaj juõn men in meletlet bwe brother eo en kebak kumi in elder ro im lemnak kin ta eo remaroñ rejañ kake. Ilo ien ko me ejamin juõn men in meletlet bwe brother eo en bõk kwunan ie, emaroñ ekkar bwe juõn brother eo ej mõttan family eo an eo emij en kwalok juõn katak ñõn kainemõn ro nukun.
Nan in tel ko jet jemaroñ loi ilo Watchtower eo an October 15, 1990, peij 30-1; September 15, 1981, peij 31; March 15, 1980, peij 5-7; June 1, 1978, peij 5-8; June 1, 1977, peij 347-8; March 15, 1970, peij 191-2;im copy in Awake! ilo September 8, 1990, peij 22-3 im March 22, 1977, peij 12-15.