North America ñõn Bõk Eddon International Convention ko ilo 1998
Einwõt kar kõjela kake ilo Saturday, October 5, 1996, ilo annual meeting eo an Watch Tower Bible and Tract Society of Pennsylvania, Governing Body eo ej karõk ñõn kõmmõn international convention ko ilo 1998. Ibben district convention ko ekkã an walok, enaj wor jet international convention ko ilo North America im bareinwõt ilo Africa, Asia, Europe, Latin America, jikin eo ilo Caribbean, im ilo South Pacific.
Jet ian convention kein rejej uair naj walok ilo North America, im delegate (eo rar kãlete ñõn jutak kin ro jet) ro jen belakin lõl naj kirtok ir. Bareinwõt, jemaroñ kõtmene an naj wor missionary ro ilo international convention kein. Missionary ro im ro jet ilo foreign special service me rej tellokin naj kirtok ir ñõn bed ilo juõn ian convention kein ak juõn eo ebak ñõn kabijukneir.
Kamelele ko jet ikijen ien ko, jikin ko, men in aikwij ko ñõn delegate ro, im tibdik in kamelele ko jet rej itok wõt. Enaj wor ien eo emõn ñõn juõn joñan oran delegate rein jen United States ñõn bed ilo international convention ko ilo ailiñ ko jet. Ri kwalok rein me rej lemnak in kanne application ko kin kãlet delegate ro remaroñ kõnan jino jortoklik ilo air kõtmenelok ien kein rejej uair.