Jibadõk Leo ak Lio Belele ro Rejjab Ri Tõmak
1 Ej juõn unin lõñliñ elap ñe ri belele ro rej burukuk ilo kabuñ eo emol. Bõtab, ilo elõñ family ko juõn wõt ian ri belele ro ruo ear bõk ial in mol eo. Ewi wãwen jemaroñ jibadõk ri belele rein rejjab tõmak im rejañ ir ñõn air kabuñ ibbed?—1 Tim. 2:1-4.
2 Melele kin Lemnak ko Air: Meñe jet ri belele ro rejjab ri tõmak remaroñ jumae, enañin aolep ien abañ eo ej kin jab itoklimo ak ebwid air melele. Juõn armij emaroñ eñjake air kajekdon e ak emaroñ ebanban kin itoklimo eo ekãl kin men ko lor jitõb an leo ak lio belen. “Kin aõ make iaõ ilo mweo, Iar eñjake rar illok jen ña,” juõn leo belele ear kememej. “Iar eñjake bwe einwõt ñe lio beliõ im ro nejiõ rar kajekdon iõ, bar juõn ear ba. Jet emaan ro remaroñ lemnak bwe rej luji family eo air kin juõn kabuñ. (Lale August 15, 1990, Watchtower ilo kajin belle, peij ko 20-3.) Eñin unin ej men eo emõn tata, elañe emaroñ, en koba leo ri belele ibben lio belen ilo karõk kin katak Bible jen jinoin.
3 Jerbal einwõt juõn Kumi: Ruo ri belele Ri Kennan ro ear bolemen air jerbal ibben don ñõn jibañ armij ro emwij air belele ñõn deloñ ilo mol eo. Elikin sister eo ear kajutak juõn Bible study ibben kõrã ri belele eo, brother eo ear lolok leo belen. Ekkã an maroñ jino juõn Bible study ibben leo belele.
4 Kwon Joij im Jela Karuwainene: Family ko ilo congregation eo remaroñ jibañ ilo air kwalok air itoklimo kin family ko rejañin burukuk ilo kabuñ eo emol. Am lolok ir jet ien emaroñ jibañ belen eo ejjab tõmak ñõn lo Ri Kennan ro an Jehovah einwõt Christian ro remãnãn im rej kwalok air kea im lemnak kin emõn eo an ro jet.
5 Jen ien ñõn ien, elder ro remaroñ elij jibadbad ko ilo ran kein me rar kõmmõne ñõn jibadõk leo ak lio belele ro rejjab ri tõmak im bebe kin ta men ko jet remaroñ kõmmõni ilo kejatdikdik eo ñõn wini ir ñõn Jehovah.—1 Pet. 3:1, ftn.