Jemaroñ Kõmman Jerbal ko Relaplok
1 Jerbal ko rekabwilõñlõñ rej kwalok kadkadin jerbal in kwalok nan eo an Jesus Christ. Ilo kabwilõñlõñ ear najidik elõñ thousand armij, kejmour elõñ, im kajerkakbijik jet jen mij. (Mat. 8:1-17; 14:14-21; John 11:38-44) Makitkit ko an kar kaitoklimoen aolepen ailiñ eo. Ak, ilo boñin ran eo eliktata mokta jen an kar mij, ear jiroñ ri kalor ro an retiljek: “Eo ej liki Ña, jerbal ko Ij kõmõnmõni, e naj kõmõni bareinwõt; im jerbal ko relap jen kein enaj kõmõni.” (John 14:12) Ewi wãwen jemaroñ kõmman jerbal ko “relaplok”?
2 Ilo Ad Jerbal ilo Elõñlok Territory: Jikin eo Jesus ear jerbal ie kar ibelakin Palestine wõt, ak kar jiroñ ri kalor ro an mokta bwe ren kwalok nan “ñõn eneo etolok tata i lõl,” etolok jen jikin eo Jesus ear kwalok nan ie. (Jerbal 1:8) Jerbal in kwalok nan eo me ear jinoe ej kiõ tõbar belakin lal, ilo enañin 232 ailiñ ko. (Mat. 24:14) Kwoj bõk kunam ke joñan wõt am maroñ ñan jerbal ilo territory eo kar assigni ñan congregation eo am?
3 Ilo Am Jibadõk Elõñlok Armij: Jesus ear door eiet wõt ri kalor ro ñan kowõnmanlok jerbal in kwalok nan. Bõtab, tokjen air kwalok nan ilo kijejeto ilo Pentecost 33 C.E., enañin jilu thousand armij rar bõk mol eo im rar baptais. (Jerbal 2:1-11, 37-41) Ainitok eo an “ro jabrewõt ar likit ir bwe ren mour in drio” kar wõnmanlok ñan ran kein ad, ke jej baptais joñan 1,000 armij ilo juõn ran. (Jerbal 13:48) Kwoj kõmman ke joñan wõt am maroñ ñan tõbar ro emol burueir ijo jabdewõt jemaroñ lo ir ie im ñan bar jeblak ibbeir ilo ien eo emõkajtata?
4 Ilo an Aetoklok Ien Ad Kwalok Nan: Jerbal in kwalok nan eo an Jesus kar kõmmane ilo joñan in jilu im jimettan yiõ ko. Elõñ iad ear aetoklok ien ad kwalok nan jen joñan in. Jekdon ewi toan ad naj wõnmanlok im kõmmane jerbal in, jej kamolol kin jerammõn eo ñan jibañ kajjojo ri kalor kãl ro ñan jino etetal ilo ial eo ej tellok ñan mour indio. (Mat. 7:14) Elap ke kunam ilo jerbal eo an Iroij ilo kajjojo alliñ?—1 Kor. 15:58.
5 Jemaroñ liki bwe an Jesus rejetake kij, jenaj maroñ kõmman jerbal ko relaplok wõt einwõt ri kalor ro an remol.—Mat. 28:19, 20.