Kwalok Nan​​—Ñan Jabõn Lal ko Otemjej

Wõn eo enaj aluij im bar aluiji cassette in aluij eo To the Ends of the Earth? Ro ewõr air mejenkajjik bwe ren missionary. Etke? Bwe ren jelã kajjen Watchtower Bible School in Gilead. Cassette in aluij eo ear kakõlleik yiõ eo kein ka 50 an school in ejej uan, eo kar kajutake ñan kalaplok jerbal in kwalok nan eo ñan “jabõn lõl otemjej.” (Sam 22:27) Am aluiji naj kalaplok kamolol eo am kin jerbal eo eaorõk in kwalok kin news eo emõn im naj kamakit yuk ñan kalaplok jerbal eo am. Lemnak: (1) Ilo yiõ ko jinoin ilo 1940, ta kar juõn men elaptata an dolul eo an Jehovah lemnak kake? (Jerbal 1:8) (2) Ilo 1942, kanan ta eo ilo Bible ear jino an jejjet kitien, im ewi wãwen men eo jaar kalimjeklok ear oktak jen eo an lal in? (Rev. 17:8; w89 4/15 p. 14 par. 12) (3) Karõk ta ko kar kõmmani ñan kortokjen ien ainemõn eo elikin Bata eo an Lal in kein ka II? ( jv p. 522 par. 1-2) (4) Kwoj nebar ri school ro ilo class eo kein kajuõn in Gilead School eo kin kadkad ta ko kadkadiir? (5) Ilo yiõ ko 50 mokta ilo school in Gilead, jete ri school ro rar kadiojlok jen e, im kar jilkinlok ir ñan jete ailiñ ko? (6) Ewi joñan jelãlokjen kin Bible eo ri school ro rej bõke? (7) Ta eo ej kõmman bwe juõn en kabel einwõt juõn missionary im ri katakin kin Nan in Anij? (8) Ewi wãwen mour an juõn missionary, im aitwerõk ta ko ej aikwij jelmaiki? (9) Ewi lemnak eo an missionary ro kin wãwen mour eo air, im lañliñ ta ko rejej uair rej walok jen ial in karmijete kõnan ko air? (10) Ta kar tõbrak eo an elõñ thousand missionary ro ñan kiõ? Kwalok wanjoñok ko. (11) Ta lemnak eo am kin brother im sister ro me rar etal ñan “jabõn lõl otemjej” ñan kwalok nan? (12) Joñok eo missionary ro rej likiti ej rejañ yuk ñan kõmman ta, im etke?