Kõjerbal “Menin Letok ko [Am̦] jãn Anij”

Kõj aolep jej kaorõk iien ko jej kobal̦o̦k ippãn ro jeid im jatid. Ijoke, bwe jen maroñ lukkuun bõk kõketak jãn iien kein, elõñl̦o̦k men ko jej aikuj kõm̦m̦ani ijello̦kun ad baj pãd ippãn doon. Baibõl̦ ej kaalikkar bwe ad maroñ kõketak doon ej juon “menin letok . . . jãn Anij.” (Rom 1:​11, 12) Ewi wãween jemaroñ lukkuun kõjerbale menin letok in?

Kõketak ro jet ikijjeen naan ko am̦. Ñan waanjoñak, jemaroñ kõm̦m̦an bwe uwaak ko ad ilo iien kweilo̦k ko ren kõnono wõt kõn Jeova, Naan ko an, im armej ro an—im jab kõn kõj make. Ñe jej bwebwenato ippãn rũttõmak ro m̦õttad, jemaroñ kããlõt ñan kõnono kõn men ko rekõketak.

Kõketak ro jet ikijjeen jokãlõt ko am̦ im kõm̦m̦an ko am̦. Ñan waanjoñak, ewõr ro em̦õj aer kããlõt ñan pãdwõt ilo jerbalin full-time meñe ewõr apañ ko rej iiooni ilo mour ko aer. Ro jet rej ekkeini aer pãd ilo kweilo̦k eo lukwõl̦pãn wiik meñe relukkuun m̦õk jãn jikin jerbal ko aer ak ewõr juon aer nañinmej el̦ap.

Kwõj ke kõketak ro jeim̦ im jatũm̦ ikijjeen naan im kõm̦m̦an ko am̦? Im kwõj ke kile an ro jeim̦ im jatũm̦ kõketak eok ikijjeen naan im kõm̦m̦an ko aer?