Jisõs Ej Katakin Ion Juõn Tol

LALE mõk an Jisõs jijõt ijin. Ej katakin aolep armij rein ion juõn tol ilo Gal’i-li. Ro im rej jijõt ebake ej ro dri kaloran. Emwij an kãlet 12 iair bwe ren an dri jilik. Dri jilik ro rej jet ian ro dri kaloran Jisõs me ejej uair. Kwo jela ke etair?

Etair, Saimõn Piter im leo jatin, Andru. Inem bar Jemes im Jon, ro rej jimjan jimjatin dron bareinwõt. Bar juõn dri jilik ej bar bõk ãt in Jemes, im bar juõn rej naetan Saimõn. Ruo dri jilik ro rej bõk at in Judas. Juõn ej Judas Is-kar’i-õt, im Judas eo juõn rej bar naetan Tad-i’õs. Inem Pilip im Na-tan’i-el (eo rej bareinwõt naetan Bar-tol’o-mu), im Matu kap Tomas.

Elikin an jeblak jen Sa-mer’i-a, Jisõs e ar jino kwalok nan in im ba: ‘Ailiñ in lõñ ebak.’ Kwo jela ke ta in ailiñ eo? Ej juõn lukkun kien jen Anij. Jisõs ej kiñ eo ie. E naj iroij jen lõñ im bõktok ainemõn ñõn lõl. Ailiñ in Anij naj kõmõn aolepen lõl bwe en juõn paredais e aibujuij.

Ijin Jisõs ej katakin armij ro kin ailiñ eo. ‘En wãwen drein ami jar,’ ej kamelele. ‘Jememuij i lõñ, en kwojarjar etõm. En itok am ailiñ. Ren kõmõnmõn ankil am einwõt i lõñ, bareinwõt ion lõl.’ Elõñ armij rej naetan men in ‘Jar An Iroij Eo.’ Ro jet rej naetan ‘Jememuij I Lõñ.’ Kwo kili ke aolepen jar in?

Jisõs ej bareinwõt katakin armij ro kin wãwen jerbal iben dron. Ej ba: ‘Komin kõmõn ñõn ro jet einwõt ami kõnan bwe ren kõmõn ñõn kom.’ Ejab kõnan eo am in ke bwe ro jet ren joij ñõn yuk? Inem, Jisõs ej ba, jen kar joij ñõn ro jet. Ejab e naj lukkun emõn ke ilo paredais eo ion lõl ñe ro otemjej rej kõmõn men in?