Al 66

“Karuwaineneik Don”!

(Rome 15:7)

1. Karuwaineneik don einwõt Christ ’ar kõmmõn ñõn yuk!

Ke Christ ’ar mij kin jeõm im jatõm, ren ruwainene.

Ro rekajur, im ritto ren jibañ rein rekãl,

Kabin air tõmak ke rej bukõt ial eo ewãnik.

Bwe men ko ri kanan ro rar je ilo ien etto

Maroñ kabin ad tõmak, kijenmij im ainemõn.

Inem jen kate wõt im jab lemnak kin kij make

Ak watõk aikwij ko an jeed im jated einwõt ad.

2. Jehovah ej bukõt ro reban bar katak tarinae.

Emottok ien bwe Christ en kajeblaktok ainemõn.

Jen ailiñ, bwij, im lo otemjej ej bõk armij ro,

Kallip ’lo bur’eir lõñliñ ñõn bokake kien Anij.

Ñõn kaibujuij Anij eo ad, jen yokyokwe armij

Kebake jabdewõt armij im jab kalijeklok.

Ñõn ad kajeoñwe joij an Anij juõn jerammõn ’lap.

Einwõt ri kajeoñwe Nejin, bur’ed en laplok wõt.

3. Jen rejañ armij otemjej bwe ren nebar Jehovah,

Lõñliñ ibben ailiñ eo an, al kin juõn wõt buru.

Bwe en eindein jen kwalok wõt, ijoko otemjej,

News eo emõn kin Jehovah ñõn aolep armij ro.

Maroñ in wijtake Anij ejamin bar walok.

Ran kein rej ien eliktata ñõn ro rejjab wãnik.

Inem jen yokwe jeed im jated, Anij emol wõt;

Einwõt Nan an Anij ej ba, jen kar’waineneik don.