“Em̦õj Ami Koobrak Aolepen Jerusalem kõn Katak ko Ami”

Jãn tõre eo kar lutõkl̦o̦k jetõb kwõjarjar ioon ri-kal̦oor ro ilo Pentekost 33 C.E., rar kate er im poub wõt ilo aer kwal̦o̦k naan kõn Aelõñ eo an Anij. Ilo m̦õttan in, jenaaj etale bwebwenato eo ekãitoktoklimo kõn an kar jutak eklejia eo an Kũrjin, kõn an kar l̦ap aer kwal̦o̦k naan ilo Jerusalem, im kõn an kar rijjilõk ro peran im jutak pen wõt meñe rar iioon el̦ap jum̦ae im matõrtõr.