Wõn Anij eo Em̦ool?

Ewõr juon wõt Anij em̦ool. Etan? Jeova. (Sam 83:18) Ej juon Jetõb ej pãd ilañ im jejjab maroñ loe. Ej yokwe kõj im ekõn̦aan bwe jen yokwe e. Ej bareinwõt kõn̦aan bwe jen yokwe armej ro jet. (Matu 22:35-40) Jeova Eutiejtata im ear kõm̦anm̦an men otemjej.

M̦oktata Anij ear kõm̦anm̦an juon enjel̦ ekajoor. Tokãlik ke ear pãd ioon lal̦, kar n̦aetan Jijej Kũraij. Jeova ear bareinwõt kõm̦anm̦an enjel̦ ro.

Jeova ear kõm̦anm̦an men ko otemjej ilañ . . . im ioon lal̦. Revelesõn 4:11

Jeova ear kõm̦anm̦an iju ko im lal̦ in im aolep men ko ie.​—Jenesis 1:1.

Ear kõm̦anm̦an armej eo m̦oktata jãn bwidej. Etan em̦m̦aan eo m̦oktata ej Adam.​—Jenesis 2:7, UBS.