Ta eo Ear Wal̦o̦k Ke Adam im Iv Rar Roñjake Setan?

Adam im Iv rar jab pokake Anij, innem rar mej. Jenesis 3:6, 23

Iv ear roñjake jedpãnit eo im ear bõk leen wõjke eo im m̦õñã. Ãlikin ear lel̦o̦k ñan Adam im ear bareinwõt m̦õñã.

Rar jab pokake Anij. Men in ear juon jerawiwi. Innem, Anij ear kadiwõjl̦o̦k erro jãn jikin eo eaiboojoj me rar jokwe ie.

Ear pen aerro mour kab ajri ro nejierro. Rar rũttol̦o̦k im mej. Rar jab etal ñan lañ ak jabdewõt jikin. Rar mej otem mej.

Ro remej rejjab etal ñan bar juon jikin. Rej jepl̦aak ñan bwidej. Jenesis 3:19

Kõj aolep jej mej kõnke jaar itok jãn Adam im Iv. Ro remej rejjab maroñ lo im rejjab maroñ roñ. Bareinwõt rejjab maroñ kõm̦m̦an jabdewõt.​—Ekklisiastis 9:5, 6, 10.

Ejjab ankilaan Anij mej. M̦õttan jidik Jeova enaaj bar kõmour ro remej. El̦aññe renaaj roñjake im pokake Anij, renaaj mour ñan indeeo.