Wõn in Jijej?

Jeova ear jilkintok Jijej ñan lal̦ in. 1 Jon 4:9, UBS

El̦aññe jekõn̦aan kam̦õn̦õn̦õik Jeova, ebar wõr juon eo jej aikuj roñjake. M̦okta jãn an kar Jeova kõm̦anm̦an Adam, ear kõm̦anm̦an juon enjel̦ ekajoor ilo lañ.

Tokãlik, Jeova ear kõm̦m̦an bwe enjel̦ in en erom juon niñniñ iloan lo̦jien juon bõjin im etan Meri. Niñniñ in ear l̦otak ilo Betleem im kar n̦aetan Jijej.​—Jon 6:38.

Jijej ear ãinwõt Jeman ke ear pãd ioon lal̦. Ear jouj im yokwe armej ro. Bareinwõt ear pidodo kepaake. Ear peran ilo an kwal̦o̦k naan ñan armej ro kõn men ko rem̦ool kõn Jeova.

Jekdo̦o̦n ñe Jijej ear kõm̦m̦ani men ko rem̦m̦an ak jet armej rar dike e. 1 Piter 2:21-24

Ri tõl in kabuñ ko an ri Ju ro rar dike Jijej. Etke? Kõnke ear kwal̦o̦k bwe katak ko aer reriab im ear kalikkar bwe men ko rar kõm̦m̦ani renana.

Jijej ear kõmour ro renañinmej im kõm̦m̦an bwe ro rar mej ren bar mour.

Ri tõl in kabuñ ko rar kananaik Jijej ñan ri utiej ro an Rom bwe ren deñl̦o̦ke Jijej im m̦ane. Innem ear mej.