BAAT 8

Ta Tokjãn Mej eo an Jijej ñan Kwe?

Jijej ear mej bwe jen maroñ mour ñan indeeo. Jon 3:16

Kõrã ro rej kalimjeke lõb eo libõn Jijej im ejjel̦o̦k kobban

Jilu raan ãlikin an kar Jijej mej, jet kõrã rar etal ñan lõb eo libõn. Rar lo bwe ear jako ãnbwinnin. Em̦õj an Jeova kar kajerkakpeje Jijej.

Jijej ej wal̦o̦k ñan rijjilõk ro an, innem tokãlik ej wanlõñl̦o̦k ñan lañ

Tokãlik Jijej ear wal̦o̦k ñan ro me ear make jiroñ er bwe ren ilo̦k im kwal̦o̦k naan. Kar n̦aetaer rijjelõk ro an.

Jeova ear kajerkakpejeik Jijej im ear erom juon enjel̦ ekajoor im ejamin bar mej. Elõñ iaan ri kal̦oor ro an Jijej rar lo an Jijej weaakl̦o̦k ñan lañ.

Anij ear kajerkakpeje Jijej im ear kõm̦m̦an bwe en Kiiñ in Aelõñ in Anij. Daniel 7:13, 14

Jãn tũroon eo an ilo Aelõñ eo, Jijej ej irooj ioon armej ro rej mour ilo pedetaij ioon lal̦

Jijej ear mej bwe en kõl̦l̦ã on̦ean jerawiwi ko an armej otemjej. (Matu 20:28, UBS) Ikijjeen mej eo an Jijej, Anij emaroñ letok ñan kõj mour indeeo.

Jeova ear jitõñ Jijej bwe en Kiiñ ioon aolepen lal̦ in. Ewõr 144,000 armej ro retiljek im renaaj irooj ippãn Jijej ãlikin aer jerkakpeje ñan lañ. Jijej im rein 144,000 renaaj tõl kien eo an Anij ilañ ak Aelõñ eo an Anij.—Revelesõn 14:1-3.

Aelõñ eo an Anij enaaj ukot lal̦ in bwe en juon pedetaij. Enaaj ejjel̦o̦k bar tarin̦ae, kowadoñ, jeram̦õl, im kwõle. Armej ro renaaj lukkuun m̦õn̦õn̦õ.—Sam 145:16.