Jeova Ej Ke Roñjake Jar ko Ad?

Anij ej roñjake jar ko ad. 1 Piter 3:12, UBS

Jeova ej “roñjake jar” ko ad. (Sam 65:2) Ekõn̦aan bwe jen kwal̦o̦k bũruod ñe jej jar ñan E.

Jeova wõt jej aikuj jar ñan E im jab ñan bar juon.

Elõñ men ko jemaroñ jar kaki. 1 Jon 5:14

Jar ñan Anij bwe en kõm̦anm̦an ankilaan ioon lal̦ ãinwõt ej kõm̦m̦ane ilañ.

Jar ilo etan Jijej ñan kwal̦o̦k am̦ kam̦m̦oolol kõn an kar mej kõn kwe.

Kajjitõk ippãn Jeova bwe en jipañ eok ñan kõm̦m̦ani men ko rem̦m̦an. Kwõmaroñ jar im kajjitõk bwe en wõr kijõm̦ m̦õñã im am̦ nuknuk. Bareinwõt kwõmaroñ kajjitõk bwe en jipañ ro renañinmej im bwe kwõn maroñ ellolo jikin jerbal im jikin jokwe.