Al 138
Etam̦ in Jeova
(Sam 83:18)
Kwõj Anij eo em̦ool—
Kwaar kõm̦m̦an men otemjej
Ekoba aolep armej—
Etam̦ in Jeova.
El̦ap am jeraam̦m̦an
Bwe kõmij armej ro am̦.
Ilo aelõñ otemjej,
Kõmij kwal̦o̦k kõn kwe.
(KO̦RÕJ)
Jeova, Jeova,
Ejjel̦o̦k ãinwõt kwe.
Ejjel̦o̦k bar juon ilo
Lañ im iioon lal̦ in.
Kwõj Anij Kajoor Bõtata,
Aolep raikuj jel̦ã.
Jeova, Jeova,
Kwe wõt kwõj Anij eo Em̦ool.
Kwõj kõjerbale kõm
Ekkar ñan kõn̦aan eo am̦,
Ñan kõm̦anm̦an ankilaam̦—
Etam̦ in Jeova.
Kõm Ri Kõnnaan ro am̦
Eñin ãt eo kwaar n̦aetam.
Im el̦ap am jeraam̦m̦an—
Kõnke kwaar kããlõt kõm.
(KO̦RÕJ)
Jeova, Jeova,
Ejjel̦o̦k ãinwõt kwe.
Ejjel̦o̦k bar juon ilo
Lañ im iioon lal̦ in.
Kwõj Anij Kajoor Bõtata,
Aolep raikuj jel̦ã.
Jeova, Jeova,
Kwe wõt kwõj Anij eo Em̦ool.
(Lale bareinwõt 2 Kr. 6:14; Sam 72:19; Ais. 42:8.)