Naanin Ijjino ko ñan Jebta 11

Katak ko ilo jebta in rej itok jãn bokin Matu l̦o̦k ñan bokin Revelesõn ilo Baibõl̦. Jesus ear dik im rũttol̦o̦k ilo juon baam̦le ettã im rar jokwe ilo juon bukwõn jidikdik. Bareinwõt, ear jerbalin kaam̦tõ ippãn jemãn. E eo enaaj kar lo̦mo̦o̦ren armej. Jeova ear kããlõte bwe en Kiiñ in Aelõñ in lañ. El̦aññe ewõr nejũm̦ ajri, jipañe ñan kile yokwe eo an Jeova, kõn an kar kããlõt baam̦le eo em̦m̦antata im elem̦õn̦õn̦õ mour eo aer ñan an naaj Jesus dik im rũttol̦o̦k ie. Etale wãween an kar Jeova kõjparok Jesus jãn an Herod kar itõn m̦ane, im bwe ejjel̦o̦k jabdewõt men emaroñ kabõjrak an tõprak karõk ko an Jeova. Im katak kõn wãween an kar Jeova kããlõt Jon bwe en jino kõpooj ial̦ eo ñan Jesus. Lukkuun kaalikkar bwe jãn ke Jesus ear dik, ear kwal̦o̦k an kaorõk katak ko an Jeova.