AL 129
Jenaaj Kijenmej Wõt
1. Naaj ewi wãween
Bwe jen maroñ in kijenmej?
Christ ear lo eñtaan
Ak ear tiljek wõt ñan mej;
Kallim̦ur ko im̦aan
’Ar loi im keememej.
(KO̦RÕJ)
Jaikuj kwal̦o̦k kijenmej,
Tõmak eo ad en pen.
Anij ej jipañ wõt kõj
Bwe jen kijenmej wõt ñan jem̦l̦o̦kin.
2. Ilo mour ko ad
Jej lo bũrom̦õj im eñtaan.
Meñe jej ãindein,
Jej kõttar wõt mour eo im̦aan.
Mour eo ej ñan indeeo,
Mour eo in jej kõn̦aan.
(KO̦RÕJ)
Jaikuj kwal̦o̦k kijenmej,
Tõmak eo ad en pen.
Anij ej jipañ wõt kõj
Bwe jen kijenmej wõt ñan jem̦l̦o̦kin.
3. Jenaaj tiljek wõt
Im jeban pere ak mijak.
Jenaaj kõttar wõt,
Men in ejjab juon ettõn̦ak.
Jej tõmak bwe epaak,
Raan eo an ej epaak.
(KO̦RÕJ)
Jaikuj kwal̦o̦k kijenmej,
Tõmak eo ad en pen.
Anij ej jipañ wõt kõj
Bwe jen kijenmej wõt ñan jem̦l̦o̦kin.
(Bar lale Jrb. 20:19, 20; Jem. 1:12; 1 Pi. 4:12-14.)