Mel̦el̦e ko ñan Ro Rar Itok ñan Kweilo̦k In

KWEILO̦K KO RAORÕK

JERBAL ILO BETEL̦ Rukwal̦o̦k naan ro em̦õj aer peptaij, im rekõn̦aan jerbal ilo Betel̦ rej aikuj pãd ilo kweilo̦k in im ej aikuj 35 aer iiõ im dikl̦o̦k. Naaj kõjjel̦ã kõn ñããt im ia eo enaaj kõm̦m̦an kweilo̦k in ie.

JIKUUL̦ EO ÑAN RUKWAL̦O̦K NAAN RO AN AELÕÑ EO Bainier ro me 23 l̦o̦k ñan 65 aer iiõ im rekõn̦aan kal̦apl̦o̦k kun̦aaer remaroñ pãd ilo kweilo̦k in ilo Jabõt ãlikin raelep. Naaj kõjjel̦ã kõn jikin eo im awa eo enaaj kõm̦m̦an kweilo̦k in ie.

MEL̦EL̦E KO ÑAN RO RAR ITOK ÑAN KWEILO̦K IN

RŨLALE KÕJÃM RO Kar karõk bwe rũlale kõjãm ro ren jipañ eok. Jouj im karejar im l̦oor naanin tõl ko jãn er ikijjeen jikin baak, diwõj del̦o̦ñ im ñe ewõr idiñ, kakkon̦ jikin jijet ñan ro jet, im men ko jet.

PEPTAIJ Naaj kakon̦ jea ko im̦aantata ilo ijo me ej kõm̦m̦an katak ko ie, ñan ro renaaj peptaij. Ro renaaj peptaij rej aikuj jijet ilo jea kein m̦okta jãn an jinoe katak in peptaij eo. Kajjojo iaaer rej aikuj bõktok juon to̦o̦l im nuknuk ko remaroñ tutu kaki me rekkar im rekarbõb.

JABAWÕT Ewõr joñan jããn ko kar kõjerbali bwe jen maroñ kweilo̦k ilo juon jikin em̦m̦an joñan ñan aolep, bwe en maroñ wõr kein kõjañjañ, kein alwõj, im men ko jet ñan kõm̦m̦an bwe ad pãd ilo iien kweilo̦k in en juon iien ekanooj em̦m̦an im ejipañ kõj ñan epaakel̦o̦k Jeova. Am̦ jabawõt enaaj jipañ ñan kabwe on̦ããn men kein im jipañ jerbal eo ad ipel̦aakin lal̦ in. Ñe kokõn̦aan jabawõt, elõñ bo̦o̦k in jabawõt ko ilo jikin kweilo̦k in. El̦ap ad kam̦m̦oolol kõn jabawõt ko an aolep. El̦ap an Kumi eo Ej Lale Aolep Eklejia ko an Ri Kõnnaan ro an Jeova kam̦m̦oolol kõn ami m̦õn̦õn̦õ im kõn̦aan rejetak jerbal ko an doulul in ipel̦aakin lal̦ in.

JIKIN JIPAÑ ÑE EWAL̦O̦K JORRÃÃN Jouj im keememej bwe ijin ej ñan jorrããn ak nañinmej ko rej wal̦o̦k ILO IDIÑ WÕT.

JIKIN M̦WEIUK KO REJAKO Ñe jej loe juon men me ejjab ad, jej aikuj bõkl̦o̦k ñan ijo, Jikin M̦weiuk ko Rejako. El̦aññe ewõr juon m̦weiõm̦ ejako, etal ñan ijin im kwal̦o̦k ta eo m̦weiõm̦ ejako. Ajri ro im rej jebwãbwe jãn jemãer im jineer remaroñ bõkl̦o̦k er ñan ijin. Bõtab, keememej bwe ijin ejjab jikin lale ajri. Jouj im lale ajri ro nejimi, im rej aikuj pãdwõt iturumi.

JIKIN JIJET Jouj im kwal̦o̦k kautiej im l̦õmn̦ak kõn ro jet. Keememej bwe kwõmaroñ kakkon̦ jikin jijet ñan ro wõt me rej uwe ilo wa eo waam̦, ro rej jokwe ilo m̦weo im̦õm̦, ak rũkkatak ro am̦. Jouj im jab likũt men ko m̦weiõm̦ ioon jea ko iturum̦ me kwaar jab kakon̦i ñan rein.

M̦ÕN̦ÕN̦Õ IN JIPAÑ ILO JERBAL KO El̦aññe kwõj m̦õn̦õn̦õ in jipañ ilo jerbal ko ilo kweilo̦k el̦ap, jouj im kõnnaanek ro rej pãd ilo department in bwe kwõm̦õn̦õn̦õ in jipañ.

JAB EBBEER!

2017 Kweilo̦k El̦ap an Ri Kõnnaan ro an Jeova

Kumi eo Ej Lale Aolep Eklejia ko an Ri Kõnnaan ro an Jeova rar karõk kweilo̦k in