KATAK 4

Naanin Kõppel̦l̦o̦k ko Rejejjet ñan Eoon Ko

Matu 22:41-45

ILO TUKADU: Kõpooj l̦õmn̦ak ko an armej ro kõn eoon ko m̦okta jãn am̦ riiti.

L̦õmn̦ak kõn etke kwõj riiti eoon eo. Kwal̦o̦k jet naanin kõppel̦l̦o̦k ko kõn eoon eo kwõj itõn riiti ilo juon wãween enaaj pidodo ñan an armej ro kile boin eo.

Kajjioñ mel̦el̦e kõn ta eo eoon ko jet ipel̦aakin rej kõnono kake. Eaorõk bwe en jim̦we am̦ kwal̦o̦k wõn eo ear ba naan ko ilo eoon eo im wõn eo ear je bok eo.
Kaalikkar bwe naan ko ilo Baibõl̦ rej an Anij. Ñe kwõj kõnono ippãn armej ro rej tõmak ilo Anij, kaalikkar bwe Baibõl̦ ej Naanin Anij. Ilo am̦ kõm̦m̦ane men in, kwõj kaalikkar bwe eñin ijo mãlõtlõt eo em̦ool ej itok jãne.
Kãitoklimoik armej ro kõn eoon ko kwõj itõn riiti. Kwal̦o̦k kajjitõk ko me eoon ko renaaj uwaaki, ak juon apañ me eoon ko renaaj kwal̦o̦k wãween kõm̦adm̦õde. Bareinwõt kwõmaroñ bõklõñtak juon naanin kakapilõk, innem ãlikin kwal̦o̦k juon bwebwenato ilo Baibõl̦ me enaaj jipañ armej ro ñan mel̦el̦e kake.

L̦õmn̦ak kõn ta ko em̦õj an armej ro jel̦ã kadede kõn men eo kokõn̦aan kõnono kake im eoon eo kwõj itõn riiti. El̦aññe rejel̦ã kadede kõn eoon eo, kwõmaroñ kõjerbal naanin kõppel̦l̦o̦k ko me renaaj kãitoklimoik er kõn eoon in im enaaj jipañ er ñan lo boin ko rejjañin kar jel̦ã kaki.