KATAK 46
Etke Kwõj Aikuj Ajel̦o̦k Mour eo Am̦ im Peptaij?
Kwõj ajel̦o̦k mour eo am̦ ñan Jeova ilo am̦ jar ñane im kallim̦ur bwe kwõnaaj karejar wõt ñane im likũt ankilaan m̦oktata ilo mour eo am̦. (Sam 40:8) Ãlikin am̦ kõm̦m̦ane men in, kwõnaaj peptaij. Ilo am̦ kar ãindein, kwõj kwal̦o̦k ñan ro jet bwe em̦õj am̦ ajel̦o̦k mour eo am̦ ñan Jeova. Pepe eo ñan ajel̦o̦k mour eo ad ñan Jeova ej pepe eo eaorõktata jemaroñ kõm̦m̦ane. Ta eo emaroñ kõm̦akũt eok ñan kõm̦m̦ane pepe in el̦ap an aorõk me enaaj jelõt aolepen mour eo am̦?
1. Ta eo ej kõm̦akũt juon ñan ajel̦o̦k mour eo an?
Yokwe eo ad ñan Jeova ej kõm̦akũt kõj ñan ajel̦o̦k mour ko ad ñane. (1 Jon 4:10, 19) Baibõl̦ eo ej rõjañ kõj: “Kwõn yokwe Jeova am̦ Anij kõn aolepen bũruom̦, im kõn aolepen am̦ mour, im kõn aolepen am̦ l̦õmn̦ak, im kõn aolepen am̦ kajoor.” (Mark 12:30) Jej kwal̦o̦k bwe jej yokwe Jeova ejjab kõn men ko wõt jej ba ak bareinwõt kõn men ko jej kõm̦m̦ani. Ãinwõt an kar ruo rippãlele kõn̦aan m̦are kõn aerro lukkuun yokwe doon, yokwe eo ad ñan Jeova ej kõm̦akũt kõj bwe jen kõn̦aan ajel̦o̦k mour ko ad ñane im peptaij.
2. Ta jeraam̦m̦an ko Jeova ej lel̦o̦k ñan ri-kõnnaan ro an me em̦õj aer peptaij?
Ñe kwõj peptaij, kwõnaaj erom uwaan baam̦le eo an Jeova me el̦ap aer m̦õn̦õn̦õ. Kwõnaaj lo yokwe eo an ñan kwe ilo elõñ wãween ko, im enaaj l̦apl̦o̦k am̦ epaake E jãn joñan eo kwõj epaake E rainin. (Riit Malakai 3:16-18.) Jeova ejjab baj nãj Jem̦am̦ wõt ak kwõnaaj bareinwõt m̦õttan juon baam̦le in ro jeid im jatid ilo tõmak ipel̦aakin lal̦ in me rej yokwe Jeova im yokwe eok. (Riit Mark 10:29, 30.) Ak alikkar bwe kwõj aikuj kõm̦m̦ane jet buñtõn ne ko m̦okta jãn am̦ maroñ peptaij. Kwõj aikuj katak kõn Jeova, yokwe e, im likũt am̦ tõmak ilo Nejin. Innem kwõj aikuj ajel̦o̦k mour eo am̦ ñan Jeova. El̦aññe kwõj bõk buñtõn ne kein innem tokãlik peptaij, kwõnaaj pãd ilo ial̦ eo me ej tõll̦o̦k ñan mour indeeo. Naanin Anij ej ba: “Peptaij . . . ej bareinwõt lo̦mo̦o̦ren [eok] kiiõ.”—1 Piter 3:21.
KAM̦WILAL̦L̦O̦K AM̦ MEL̦EL̦E
Etale etke eaorõk ñan am̦ ajel̦o̦k mour eo am̦ ñan Jeova im peptaij.
3. Kõj aolep jej aikuj kõm̦m̦an pepe kõn wõn eo jenaaj karejar ñane
Ilo iien ko etto ilo aelõñin Israel, jet armej rar l̦õmn̦ak bwe remaroñ kabuñ ñan Jeova im ilo ejja iien eo wõt kabuñ ñan bar juon anij eriab etan Beal. Bõtab Jeova ear jilkinl̦o̦k ri-kanaan Ilaija ñan er bwe en kajim̦weik l̦õmn̦ak in elukkuun bõd. Riit 1 Kiiñ 18:21, innem bwebwenato kake kajjitõk in:
Ta pepe eo ri-Israel ro rar aikuj kõm̦m̦ane?
Ãinwõt ri-Israel ro, jej aikuj bar kõm̦m̦an pepe kõn wõn eo jenaaj karejar ñane. Riit Luk 16:13, innem bwebwenato kake kajjitõk kein:
Etke jejjab maroñ kabuñ ñan Jeova im ilo ejja iien eo wõt kabuñ ñan juon armej ak jabdewõt men?
Ewi wãween ad kaalikkar ñan Jeova bwe jej kããlõt ñan kabuñ ñane wõt?
4. Kõl̦mãnl̦o̦kjen̦ kõn yokwe eo an Jeova ñan kwe
Em̦õj an Jeova letok ñan kõj elõñ menin letok ko rekanooj in em̦m̦an. Ta ko jemaroñ lel̦o̦k ñane? Kõjo̦e PIJAIN ALWÕJ eo.
Ta jet iaan wãween ko em̦õj an Jeova kõm̦m̦ani me ej kwal̦o̦k an yokwe eok? Riit Sam 104:14, 15 im 1 Jon 4:9, 10, innem bwebwenato kake kajjitõk kein:
Ta menin letok ko jãn Jeova el̦aptata am̦ kam̦m̦oolol im m̦õn̦õn̦õ kaki?
Ewi wãween an menin letok kein kõm̦m̦an am̦ eñjake kõn Jeova?
Ñe jej bõk juon menin letok eo elukkuun em̦m̦an ippãd, jekõn̦aan kwal̦o̦k kam̦m̦oolol ñan armej eo ear letoke. Riit Duteronomi 16:17, innem bwebwenato kake kajjitõk in:
Ñe kwõj l̦õmn̦ak kõn aolep men ko Jeova ear kõm̦m̦ani ñan kwe, ta eo men in ej kõm̦akũt eok ñan lel̦o̦k ñane?
5. Ad ajel̦o̦k mour ko ad ej letok elõñ jeraam̦m̦an ko
Elõñ armej rej tõmak bwe aer buñbuñ, juon jerbal el̦ap on̦ããn, ak jããn enaaj kõm̦m̦an aer m̦õn̦õn̦õ. Ak m̦ool ke men in? Kõjo̦e PIJAIN ALWÕJ eo, innem bwebwenato kake kajjitõk kein:
Meñe ear lukkuun em̦m̦an ippãn likao in iukkure in soccer, ak etke ear pepe ñan ilo̦k jãn e?
Ear pepe ñan ajel̦o̦k mour eo an, jab ñan soccer, ak ñan Jeova. Kwõl̦ak lale ejim̦we ke pepe eo ear kõm̦m̦ane? Etke kwõj ba men in?
M̦okta jãn an kar rijjilõk Paul erom juon Kũrjin, ekar jibadek juon jerbal eutiej. Ekar katak kõn kien ko an ri-Ju ro ippãn juon ri-kaki el̦ap an kar buñbuñ. Ijoke, ear m̦õn̦õn̦õ in ilo̦k jãn men kein bwe en maroñ erom juon Kũrjin. Paul ear ke ajl̦o̦k kõn pepe in an? Riit Pilippai 3:8, innem bwebwenato kake kajjitõk kein:
Etke Paul ear ba bwe men ko ear kõm̦m̦ani m̦okta jãn an erom juon Kũrjin ear ãinwõt “kwõpej”?
Kõn an kar erom juon Kũrjin, ta jeraam̦m̦an ko ear maroñ bũki?
Kwõl̦ak lale ta eo enaaj kõm̦m̦an bwe en em̦m̦anl̦o̦k mour eo am̦, karejar ñan Jeova ke ak kõm̦m̦ani men ko jet ilo mour eo am̦?
Ke Paul ear erom Kũrjin, el̦apl̦o̦k jeraam̦m̦an ko ear loi jãn men ko ear kaarmejjeteiki
JET ARMEJ REJ BA: “Ijel̦ã bwe ij aikuj mour ekkar ñan ta eo Baibõl̦ ej ba, ak ijjab pojak in peptaij.”
Etke ej juon pepe em̦m̦an im ekkar ñan ajel̦o̦k mour eo am̦ ñan Jeova?
TARLEP IN KATAK EO ILO TUKADU
Yokwe ej kõm̦akũt kõj ñan ajel̦o̦k mour ko ad ñan Jeova im peptaij.
Ãlij
Etke ej tõll̦o̦kũn Jeova ñan ad yokwe e kõn aolepen bũruod im kabuñ ñane wõt?
Ewi wãween an Jeova kõjeraam̦m̦an ri-Kõnnaan ro an me em̦õj aer peptaij?
Kokõn̦aan ke ajel̦o̦k mour eo am̦ ñan Jeova?
KAL̦APL̦O̦K AM̦ MEL̦EL̦E
Lale etke juon ri-al im juon ri-iukkure sport rar pepe ñan ajel̦o̦k mour ko aer ñan Jeova.
Young People Ask—What Will I Do With My Life?—Looking Back (6:54)
Lale un ko jet unin ñan ajel̦o̦k mour eo am̦ ñan Anij.
“Etke Kwoj Aikwij Wujleplok Mour eo Am ñõn Jeova?” (Imõniaroñroñ, Jãnwõde 15, 2010)
Ilo pija in kõjañjañ eo, lale lañlõñ eo ej itok ñan ro rej ajel̦o̦k mour ko aer ñan Jeova.
Ilo bwebwenato eo etan “For Years I Wondered, ‘Why Are We Here?’” lale ta eo ear kõm̦akũt juon kõrã ñan bar etale ta eo ear aorõktata ilo mour eo an.
“The Bible Changes Lives” (The Watchtower, November 1, 2012)