AL 152
Juon Jikin Enaaj Bõktok Nõbar ñan Eok
(1 Kiiñ 8:27; 1 Kronikel 29:14)
1. Jeova, kwaar kõm̦anm̦an ilañ,
Lañ ejabwe ñan am̦ pãd ie.
Meñe edik m̦wiin kar kalõke,
Ak kajoor eo am̦ ej pãd ie.
Ilowaan im̦õn kabuñ in am̦
Ej armej ro doom̦ raiboojoj.
Kõmij lañlõñ in kabuñ ñan eok
Im nõbar ãt eo etam̦ el̦ap.
(IKÕTAAN KO̦RÕJ)
Aolep men ko ippem
Rej menin letok jãn kwe.
Men otemjej kõmij lewaj
Rej itok jãn peim̦.
(KO̦RÕJ)
Kõmij al im kõl̦l̦aaj ainikiem
Ñan kwal̦o̦k el̦ap kam̦m̦oolol.
Kõn wõt kõjeraam̦m̦an eo jãn kwe
Ejutak m̦õn kabuñ in am̦.
2. Kwaar jel̦ã kõmar lukkuun kõn̦aan
Juon jikin ñan ammim kabuñ.
Ilo m̦wiin, kõm naaj katak kõn kwe,
Im etetal lo ial̦ ko am̦.
Kõm kõn̦aan kajejjet ankilaam̦
L̦oore tõl eo an eo Nejũm̦,
Karoñ aolep kõn ãt eo etam̦
Im bõktok el̦ap nõbar ñan eok.
(IKÕTAAN KO̦RÕJ)
Kõmij lewaj ñan eok
I’en im maroñ ko ammim.
Ej tõllo̦kũm̦—
Ñan am̦ bõk men ko rem̦m̦antata.
(KO̦RÕJ)
Kõmij al im kõl̦l̦aaj ainikiem
Ñan kwal̦o̦k el̦ap kam̦m̦oolol.
Kõn wõt kõjeraam̦m̦an eo jãn kwe
Ejutak m̦õn kabuñ in am̦.