Kõnono ilo Jouj im Kautiej

Men eo Paul Ear Kõm̦m̦ane

PIJAIN ALWÕJ: Paul Preaches to the Athenians

1. Alwõje PIJAIN ALWÕJ EO, ak riiti Jerbal 17:​22, 23. Innem etale kajjitõk kein:

1. Ewi wãween an kar Paul l̦õmn̦ak im eñjake kõn an kar ri-Atens ro kabuñ ñan ekjab?—Lale Jerbal 17:16.

2. Ijello̦kun an kar Paul kõnanaik ri-Atens ro, ewi wãween an kar kõnono ilo jouj im kautiej im kõjerbale men ko armej ro rar tõmaki kadede ñan kwal̦o̦k ennaan eo em̦m̦an ñan er?

Ta eo Jej Katak jãn Paul?

2. Enaaj pidodol̦o̦k an armej ro roñjake kõj el̦aññe jej lukkuun l̦õmn̦ak kõn ta ko jenaaj ba, wãween ad naaj ba, im ñããt eo ejejjet ñan ad ba.

Anõke Paul

3. Lukkuun l̦õmn̦ak kõn ta ko kwõnaaj ba. Ñan waanjoñak, el̦aññe kwõj kõnono ippãn juon armej me ejjab tõmak ilo Jesus Christ, kwõmaroñ aikuj ukot wãween am̦ jitõñl̦o̦k ñan Baibõl̦ eo ak kwal̦o̦k kõn Jesus.

4. Jab m̦õkaj im kajim̦we armej eo. Kõtl̦o̦k bwe armej eo en lukkuun kwal̦o̦k an l̦õmn̦ak. El̦aññe ej ba juon men ej n̦ae katak ko ilo Baibõl̦, eokwe kate eok ñan jab akwããl im kajjioñ kajim̦we e. (Jem. 1:19) Ilo am̦ roñjake armej eo, kwõnaaj kal̦apl̦o̦k am̦ mel̦el̦e kõn ta ko ej tõmaki im unin an tõmaki.—JK. 20:5.

5. Errã ippãn armej eo ñe ekkar im bareinwõt nõbare. Armej eo emaroñ lukkuun tõmak bwe men ko ej tõmaki rejim̦we. Kajjioñ kõnnaan kõn juon men komiro jim̦or ej errã kake, innem jidik kõn jidik jipañe ñan mel̦el̦e kõn ta eo Baibõl̦ ej lukkuun katakin.