Kajitõk ko Jen Ro Rej Read

Jab wãppen eo an virgin ledik eo Mary ear jelet ke an ettaiki Jesus?

Kin “lotak eo an Jisõs,” kakõrmol eo emwij je ej ba: “Ke Meri jinen im Josep rejro karõk dron, mokta jen airro belele, ar lo an bõroro kin Jitõb Kwojarjar.” (Matu 1:18) Emol, jitõb eo an Anij ear kõmmane juõn jerbal ñan bõroro eo an Mary.

A, ta, kin Mary? Kij in lep eo ilojen ear wõr ke ijo kunan ñan an bõroro? Lemnak kin kallimur eo an Anij ñan Abraham, Isaac, Jacob, Judah, im King David​—lõmaro jimman Mary​—ajiri eo ear lotak ear aikwij in bwijjiir eo emol. (Jenesis 22:18; 26:24; 28:10-14; 49:10; 2 Samuel 7:16) Ewi bar wãwen eo bwe ajiri eo Mary ear kalotake emaroñ kar juõn ri jolet eo ejimwe an kallimur ko rekwojarjar an Anij? E ar aikwij lukkun nejin.​—Luk 3:23-34.

Enjel eo an Jehovah ear waloklok ñan virgin ledik eo Mary, im ba: “Meri, kwon jab mijõk: bwe kw’ar lo joij jen Anij; im lo, kwo naj bõroro im kemour nejõm man, im kwo naj likit etan Jisõs.” (Luk 1:30, 31) Bõroro ej aikwiji an lep eo oktak im kalo ñan keotak. Alikar, Jehovah Anij ear kõmman ñan an juõn lep walok ilojen Mary ñan an etal im kalo, im ear kõmmane menin ikijen an ukõt mour eo an Nejin eo ej make wõt ear keotak jen wãwen jitõb ñan lal.​—Dri Galetia 4:4.

Juõn ajiri emaroñ ke walok ilo wãwen in jen juõn kõrã ejjab wãppen im ej wãppen im anemkwoj jen jerawiwi ilo enbwinin? Ewi wãwen kien ko kin jerbal in bõrañ ñe ewõr juõn ibben don an wãppen ibben jab wãppen? Kememej bwe jitõb kwojarjar eo kar kajerbale ñan ukõt kajur in mour wãppen eo an Nejin Anij im kõmmane bõroro eo. Menin ear noj jabdewõt jab wãppen eo ear bed ilo kij in lep eo ilojen Mary, im kin menin ejaake juõn kij eo ear wãppen jen wõt jinoin an ejaak.

Jekdon wãwen et eo ilojen Mary ear eddek im kalo, jemaroñ jelã bwe jerbal eo an jitõb kwojarjar eo an Anij ilo ien eo ear kamol kin tõbrak in karõk eo an Anij. Enjel Gabriel ear kamelele ñan Mary: “Jitõb Kwojarjar e naj itok iom, im kajur an Eo Eutiejtata e naj kalur yuk; im kin men in Eo kwojarjar e naj lotak naj likit etan Nejin Anij.” (Luk 1:35) Aet, jitõb kwojarjar eo an Anij ear ejaake, einwõt ilo kõkkar, juõn worwor bwe en ejelok jab wãppen ak kajur eo ej kõmman jorrãn en maroñ kautameik an niñniñ eo eddek jen jinoin ettaiki.

Alikar, Jesus emuri kin mour wãppen in armij eo an ñan Jemen ilañ, jab ñan jabdewõt armij. Jehovah ear “kepojõk juõn enbwin” ñan e, im Jesus​—jen ien ettaiki manlok​—emol ear “ejelok mon iben, erreo otem erreo, emõkelok ian jen ro dri jerawiwi.”​—Dri Hibru 7:26; 10:5.

[Pija eo ilo peij 31]

“Kwo naj bõroro im keotak juõn nejim man”