123rd Class In Kadiojlok Jen Gilead
Ri Kadiojlok Ro Jen Gilead Rekar Bõk Rejañ Ñan “Jino Kũb”
ILO Saturday, September 8, 2007, kar wõr 6,352 armij ro jen 41 ailiñ ko rar bed ilo 123rd class in kadiojlok eo an Watchtower Bible School in Gilead. Ilo 10:00 a.m., chairman eo ilo program eo, Anthony Morris, eo ej juõn uan Governing Body (Kumi Eo Ej Tel Dolul In) eo, ear karuwainene ro rar bed ilo ien eo. Elikin jet nan in ijjino ko, ear kwalok kin ri konono eo moktata, Gary Breaux jen Branch Committee eo ilo United States.
Brother Breaux ear kwalok bwe jekdon ewi wãwen baotokiir, ro me rej kõmanman ankil an Jehovah rej aibujuij iman mejen. (Jerm. 13:11) Ear rejañ ri kadiojlok ro ñan air debij wõt aibujuij rot in. Jeltokin, Gerrit Lösch jen Governing Body eo ear kwalok bwe ej juõn men ekkar ñan kejatdikdik kin juõn ãjinkij ñe jej jerbal ñan Jehovah. (Hib. 11:6) Bõtab, unin emmakit eo ad ej aikwij itok jen yokwe eo emol.
Brother eo ej bõk eddon Theocratic Schools Department eo (kumi in brother ro rej lolorjake School ko rej bed iumin tel eo an Anij), William Samuelson, ear rejañ ri kadiojlok ro ñan air tiljek wõt in kõmmane jerbal eo aorõk ñan air keañ kin King eo ej iroij kiõ im ñan kamol air aibujuij ikijen mwiliir ak kõmman ko air remõn.a Sam Roberson, ri jibañ eo an eo ej tel ilo Theocratic Schools Department eo, ear rejañ ri kadiojlok ro bwe ren kalimjek wõt kadkad ko remõn kadkadin ro jet. Inem ri kadiojlok ro renaj maroñ in “yokwe jimjãn jimjãten.”—1 Pit. 2:17.
Elikin air kwalok katak kein rekairujruj, juõn ri katakin ilo Gilead etan Mark Noumair ear interview elõñ ri kadiojlok ro ñan kwalok bwebwenato ko rar loi ilo jerbal in kwalok nan eo air ilo ien katak eo air ilo Gilead. Aolep ro rar bed ilo ien kadiojlok eo rar lo joñan yokwe eo air kin jerbal in kwalok nan im kõnan eo air ñan jibañ ro jet. Kent Fischer jen Office eo ilo Bethel ilo Patterson ear interview ro rej uan Branch Committee ko jen jilu ailiñ ko me ewõr missionary ro ie. Nan ko remõn an brother rein rar kallimur ñan ro rar roñjake, eo ear kitibuj elõñ ian ro jemen im jinen ri kadiojlok ro, bwe ro rej jino bõk jerbal in missionary rej bõk kejbãrok im emõn air lale ir ilo jerbal ko air. Tokelik Izak Marais jen Department in jerbal in Ukok eo ear interview jet missionary ro etto air bõk jerbal in missionary, me bwebwenato ko air rar kwalok ñan ri kadiojlok ro kin lañliñ ko rej bed imair.
Katak eo elap ilo program eo, me Geoffrey Jackson jen Governing Body eo ear kwaloke, kar bedbed ion unin tel eo “Elikin Aolep Men ko Kwar Roñ—Ta eo Kwonaj Kõmmane Kiõ?” Brother Jackson, eo ear jerbal einwõt juõn missionary iumin enañin 25 yiõ ko ilo South Pacific, ear bwebwenato kin nan ko ilo tujemlokin Katak eo an Jesus ion Tol eo. Ilo katak eo, Jesus ear kwalok kin ruo emaan ro, juõn emeletlet im eo juõn ebwebwe, me rar kalek moko imwiir. Ri konono eo ear kwalok bwe bõlen mõkein jimor rar bed ilo juõn wõt jikin. Bõtab, emaan eo ebwebwe ear kalek mweo imõn ion bok, ak emaan eo emeletlet ej kũbũj lallok mae ien eo ej lo juõn bar ebin ñan kalek mweo ie. Ke ear walok juõn lañ ekajur, mweo kar kaleke ion bar ear bedwõt ak mweo kar kaleke ion bok ear buñ.—Mat. 7:24-27; Luk 6:48.
Jesus ear kamelele bwe emaan eo ebwebwe ej einlok wõt ro me rej roñjake wõt ak rejjab jerbale nan in katak ko an. Emaan eo emeletlet ear einwõt ro me rej roñjake nan ko an Jesus im jerbali. Brother Jackson ear ba ñan ro rar kadiojlok, “Ñe kwoj kajerbal men ko kwoj katak kake im jerbali ilo jerbal in missionary eo am, kwonaj einwõt emaan eo emeletlet.” Inem ilo nan in kajemlok eo an, ear rejañ ro rar kadiojlok bwe ren “jino kũb” ilo nan in kõkkar ilo jerbal in missionary eo air.
Eliktata, ro rej kadiojlok rar bõk diploma (peba in kadiojlok) ko air im jikin ko emwij jitõñ ir ñan jerbal ie, im Brother Morris ear kajemlok kin jet nan in kakabilek ko. Ear rejañ ro rej kadiojlok bwe aolep ien ren lor Jesus im jab likjap in atartar ion Jehovah ñan kakajur ir. Inem program in kadiojlok eo ear buñõt tok jemlokin.
[Kamelele eo itulal]
a Theocratic Schools Department eo, ej bed iumin lolorjake eo an Teaching Committee eo, im rej lolorjake school in Gilead, school eo ñan ro uan Branch Committee eo, im school eo ñan overseer ro rej itoitak.
[Bo̦o̦k eo ilo peij 31]
KAMELELE KO KIN CLASS EO
Oran ailiñ ko rar itok jeni: 10
Oran ailiñ ko kar jitõñ ir ñani: 24
Oran aolep ri school ro: 56
Joñan dettair: 33.5
Oran yiõ in air bed ilo mol eo: 17.9
Oran yiõ in air kwalok nan full time: 13.8
[Pija eo ilo peij 32]
123rd Class in Kadiojlok eo an Watchtower Bible School in Gilead
Ilo lajrak eo itulal, line ko in armij ro rej bwini jen maan ñan tulik, im ãt ko rar kõlajraki jen tuanmiñ ñan tuanbwijmaroñ in kajjojo line ko.
(1) Esparza, E.; Papaya, S.; Bilal, A.; Suárez, M.; Evers, E.; Dimichino, K. (2) Rosa, M.; Fujii, R.; Ratey, O.; Leveton, J.; Van Leemputten, M. (3) Boscaino, A.; Beck, K.; Budanov, H.; Braz, C.; Peltz, K.; Siaw, A. (4) Leveton, S.; Santikko, H.; Conte, S.; Wilson, J.; Rylatt, J.; Pierce, S.; Fujii, K. (5) Rosa, D.; Boscaino, M.; Austin, V.; Rodiel, P.; Bilal, P.; Dimichino, P. (6) Ratey, B.; Czyzyk, D.; Clarke, C.; Riedel, A.; Esparza, F.; Siaw, P.; Van Leemputten, T.(7) Rodiel, J.; Evers, J.; Green, J.; Czyzyk, J.; Santikko, M.; Rylatt, M. (8) Peltz, L.; Austin, D.; Riedel, T.; Beck, M.; Pierce, W.; Conte, S.; Green, S. (9) Suárez, J.; Clarke, J.; Papaya, S.; Budanov, M.; Wilson, R.; Braz, R.