Wãwen eo Governing Body Ej Kon

GOVERNING Body eo an Ri Kennan ro an Jehovah ej ejaakin emaan ro emwij air wujleplok air mour me rej ri kabit ro ri karejaran Anij. Rej jutak ikijen class in ri karejar eo etiljek im meletlet, me ej bõk eddon lelok ekan ko lor jitõb im lelok ial in tel im lale bwe jerbal in kwalok nan eo kin Ailiñ eo ej men eo eaorõktata ñan Ri Kennan ro an Jehovah ibelakin lal.​​—Mat. 24:​14, 45-​47.

Kwelok ko an Governing Body eo rej kõmman kajjojo week, ilo enañin aolep Wednesday. Kwelok kein ilo kajjojo week rej kamaroñ brother rein ñan jerbal ibben don ilo burukuk. (Sam 133:1) Ro uan Governing Body eo rej bareinwõt jerbal ilo committee ko jet. Ilo air lale men ko an Ailiñ eo, kajjojo committee ej bõk eddon makitkit ko ejejuair im wãwen ko jet rej ekkeijaklok ñan jerbal in kwalok nan eo kin Ailiñ eo, einwõt emwij kõlajraki ilo tukadu ijin ilal.

◼ COORDINATORS’ COMMITTEE: Committee in ej ejaakin coordinator eo ak eo ej jeban kajjojo committee ko jet an Governing Body eo im juõn secretary me ej bareinwõt juõn ian Governing Body eo. Ej lale bwe aolep committee ko en emõn im jimwe air jerbal. Ej bareinwõt lale kauwatata ko relap rej walok ilo idiñ, matõrtõr ko, jorrãn ko, im men ko jet rej menin ekaiuriur im rej jelet Ri Kennan ro an Jehovah ibelakin lalin.

◼ PERSONNEL COMMITTE: Brother ro ilo Committee in rej bõk eddo eo ñan lale aikwij ko ilo kanniek im ilo jitõb an ro uan family eo ilo Bethel ko ibelakin lal, ñan jibañ ir debij wõt juõn kõtan ekajur ibben Jehovah, im ñan jibañ ir ilo wãwen ko jet. Committee in ej bõk eddon kãlet im kir ro rekãl ñan erom mõttan family ko ilo Bethel im uaki kajitõk ko air ikijen jerbal eo air ilo Bethel.

◼ PUBLISHING COMMITTEE: Committee in ej bõk eddon print, jeje, im ial in bõkto-bõktak book ko ibelakin lal. Ej bõk eddon jikin kõmman book ko im weto ko an company ko me Ri Kennan ro an Jehovah rej kajerbali. Committee in ej karõk ñan kajerbal money ko kar jabawõt kaki ilo wãwen eo emõntata ñan jerbal in kwalok kin Ailiñ eo ibelakin lal.

◼ SERVICE COMMITTEE: Ro rej bed ilo committee in rej bõk eddon jerbal in kwalok nan eo im wãwen ko jet rej jelet congregation ko, pioneer ro, elder ro, im overseer ro rej itoitak. Ej bõk eddon air keboje Ad Jerbal Ñan Ailiñ Eo im ej kir ri school ro an Gilead School (School in Missionary) im Ministerial Training School (School in Bible ñan Katakin Lõmaro Rejañin Mare kin Jerbal ko Rejej Uair), im tokelik rej kejelãik ri school rein ta ailiñ ak congregation eo renaj jerbal ie.

◼ TEACHING COMMITTEE: Committee in ej bõk eddon katak ko rej walok ilo assembly ko, convention ko, im kwelok ko an congregation eo. Ej karõk program ko ilo jitõb ñan ro uan family eo ilo Bethel im ej bõk eddon school ko jet, einwõt Gilead School, im Pioneer Service School (School in Pioneer), im bareinwõt ej keboj program ko ilo cassette in roñjake ko im pija in aluij ko.

◼ WRITING COMMITTEE: Ej eddo eo an committee in ñan bõk eddon likit ekan ko lor jitõb ilo jeje ikijen book ko im ajeji ñan brother im sister ro kab aolep armij ro. Committee in ej uaki kajitõk ko kin Bible eo im ej kamelim katak ko einwõt nan ko rej ba ilo tieta ko im outline ko ilo katak ko. Ej bareinwõt bõk eddon jerbal in ukok eo ibelakin lal.

Ri jilek Paul ear keidi kumi in ri kabit ro ñan juõn enbwinin armij im ear kwalok kin jikin ko raorõk rej jerbal ilo aolep ra ko ilo enbwin eo. Ear bareinwõt kwalok kin wãwen rej aikwiji don, yokwe don, im jerbal ibben don ilo air kõmmane jerbal eo ej letok in Anij. (Rom. 12:​4, 5; 1 Kor. 12:​12-​31) Bõr eo, Jesus Christ, ej lelok ñan ra ko ilo enbwin eo men ko rej aikwiji ñan an emõn air jerbal ibben don, burukuk ibben don, im bõk ekan ko lor jitõb. (Ep. 4:​15, 16; Kol. 2:​19) Ilo wãwen in, Governing body eo ebojak in lolorjake im tel einwõt an Jehovah kaiñ ir kin jitõb kwojarjar eo.