‘Buru wõt Juõn’ ilo Ar Korijer ñõn Anij
DRI Ju ro im dri tõmak ro rekãl rar kweloklok iben dri kalor ro an Jisõs Kraist. Ej ien Kwojkwoj in Pentekost, im dri lotok rein rar itok ñõn Jerusalem jen ijoko rettolok, einwõt jen Rom eo ej ber iturilik in Jerusalem im ailiñ eo iturear in, etan Partia. Armij ro ilo jar in ear kajjo kajin ko air jen dron. Ak, elõñ ian dri kalor ro an Jisõs me rar konono ibeir kar dri Galili. Jet ian dri lotok ro rebwok rar kajitõk: “Ekijkan jej roñ ilo ar in nan, ijo j’ar lotak ie?”—Jerb. 2:8.
Dri jilik Piter ej jutõk im kemelele kin unin menin kabwilõñlõñ eo rar loe. Im ilo mõkõj jar eo ear tõmak. Elõñ tausan armij ro rekãl rar baptais! (Jerb. 2:41) Meñe emõkõj an orlok congregation eo, rej burukuk wõt iben dron. Dri jeje Baibel eo Luk ej ba: “Jar eo rej tõmak, burueir wõt juõn.”—Jerb. 4:32.
Elõñ tausan ro me rar baptais ilo ran in Pentekost ilo yiõ eo 33 rar kõnan kaitoklok air berwõt ilo Jerusalem ñõn kalaplok air jela kin tõmak eo air ekãl. Ak rar jab lemnok bwe enaj kar to air ber ijo. Kin men in, iomin jidrik ien rar teltel jããn. Jet dri tõmak ro rar mõnõnõ in wiakake men ko mweieir im bõklok jããn ko ñõn dri jilik ro bwe ren ajeje iben ro rar aikwij. (Jerb. 2:42-47) Rar kwalok juõn jitõb elap an emõn kin yokwe im joij!
Aolep ien dri Kristian ro remol rar kwalok ejja jitõb in yokwe im joij rot in. Rainin, congregation in Kristian ej ‘buru wõt juõn’ ilo an korijer ñõn Jeova. Dri Kristian ro kajuju rej mõnõnõ in lelok ien, kajur, im mweiuk ko air ñõn kwalok kin nuuj eo emõn im kowõnmanlok men ko an Ailiñ in Anij.—Lale box eo “Wãwen ko me Jet Rej Kãlet Ñõn Lelok.”
[Bo̦o̦k eo ilo peij 6, 7]
WÃWEN KO ARMIJ REJ BEBE IN LELOK
JABAWÕT KO ÑÕN JERBAL IN KWALOK NAN EO IBELAKIN LÕL
Jet rej kejbãrok joñõn jããn ko air ñõn jabawõt kaki im likiti ilo box in jaba eo me rej je nan kein “Jerbal In Kwalok Nan Ibelakin Lõl.”
Kajuju alliñ, congregation ko rej jilkinlok joñõn jããn kein ñõn ra eo an Dri Kennan ro an Jeova ilo elõñ ailiñ ko. Bareinwõt remaroñ jilkinlok jããn ko air me rej mõnõnõ in jabawõt kaki ñõn Watch Tower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, ak ñõn ra eo an Dri Kennan ro an Jeova me ej bõk erron ailiñ eo am. Kwomaroñ jilkinlok jabawõt ko ikijen check ñõn address eo ej walok itulõñ im aikwij je nan in “Watchtower.” Kwomaroñ jabawõt kin mweiuk ko reaurõk bareinwõt. Kwon je juõn letter ilo tukaru ñõn kemelele bwe kwoj jabawõt kaki.
JUÕN KARÕK EOR JOÑÕN KIN JABAWÕT
Kwomaroñ lelok joñõn jããn eo ñõn Watch Tower Bible and Tract Society of Pennsylvania bwe ren kajerbal ñõn jerbal in kwalok nan eo ibelakin lõl. Bõtab, remaroñ bar karolwõj jããn in ñe kwoj bar kajitõk kake. Ñõn bõk melele ko jet, joij im jejelok ñõn Treasurer’s Office eo me address eo an ej walok ijo itulõñ ak call ilo (718) 560-7500.
WÃWEN KO JET JEMAROÑ JABAWÕT
Eor wãwen ko jet ñõn lelok jããn ak menin jibõñ ñõn jerbal in kwalok nan kin Ailiñ eo ibelakin lõl. Men kein rej:
Insurance: Kwomaroñ karõk in lelok insurance eo am ñõn Watch Tower Bible and Tract Society of Pennsylvania.
Jããn Ko Ilo Bank: Kwomaroñ kejbãrok joñõn jããn ko ilo bank me kwoj bebe bwe Watch Tower Bible and Tract Society of Pennsylvania, en joliti.
Wãto: Wãto ko me jemaroñ wia kaki ñõn armij, jemaroñ jabawõt ñõn Watch Tower Bible and Tract Society of Pennsylvania. Kwomaroñ jejelok ñõn ra eo ej bõk erron ailiñ eo am mokta jen am jaba kake.
Bar Juõn Karõk in Jaba: “Gift annuity” ej juõn karõk me juõn ekõnan lelok jããn in jabawõt ak menin lelok ko jet ñõn Dri Kennan ro an Jeova im ej jilkinlok ñõn rolul eo me Dri Kennan ro an Jeova rej kãlete ñõn lolorjake jããn ko air. Inem remaroñ lelok an eo ear jaba kõj jen jaba eo ear lelok kajuju yiõ, toõn wõt an mour. Inem ilo yiõ eo ej jabawõt, kien eo emaroñ kadriklok joñõn an kõllã owõj.
Juõn Kein Kamol: Kwomaroñ kõmõne juõn peba in kalimur ñõn kamol bwe Watch Tower Bible and Tract Society of Pennsylvania, ej e eo enaj lali ak joliti men ko mweiõm ak jããn ko am ñe kwonaj mij. Bareinwõt karõk rot in emaroñ or tokjen ñõn eo ej jaba ñõn juõn rolul in kabuñ ñe ej kõllã owõj ko an ñõn kien eo.
Jej aikwij in kapojõklok iman ñe jej bebe in lelok ak jaba ilo wãwen kein. Ñõn jibõñ jabrewõt eo ej kõnan kajerbal wãwen kein ñõn jabawõt kinke ekõnan jibõñ jerbal eo an Dri Kennan ro an Jeova ej walok ibelakin lõl, emaroñ lale brochure eo emwij kõmõne ilo kajin English im Spanish, title in ej “Wãwen Ko Jet Jemaroñ Jabawõt ñõn Jibõñ Jerbal in Kwalok Nan” (Charitable Planning to Benefit Kingdom Service). Buk in ej kemelele kin elõñ wãwen ko jemaroñ jabawõt. Elikin an kar jet riiti buk in im konono iben ro rej jerbal ilo office in bõk owõj ko, rar jino jabawõt ñõn jibõñ kij kin jerbal in kwalok nan eo ibelakin lõl. Im ro rar jabawõt rar bõk elap tokjen ilo an driklok wõnan owõj ko air. Ñõn bõk buk in jemaroñ kajitõk iben Charitable Planning Office eo.
Ñõn bõk melele ko relaplok, kwomaroñ jeje ñõn Charitable Planning Office eo ilo address eo ej walok itulõl, ak telephone lok, ak ñe jab, jeje ñõn ra eo ej bõk erron ailiñ eo am.
Charitable Planning Office
Watch Tower Bible and Tract Society of Pennsylvania
100 Watchtower Drive
Patterson, New York 12563-9204
Telephone: (845) 306-0707