Ñan Jodrikdrik Ro
Kõjparok Eok im Jab Aetõl Ro im Renaaj Tõll̦o̦k Eok ñan Jorrããn
Men ko kwõj aikuj kõm̦m̦ani: Etale katak in ijo ejjel̦o̦k keroro ie. Ñe kwõj riiti eoon ko, kwõn l̦õmn̦ak ãinwõt ñe kwõj pãd ilo bwebwenato in. Kwõn pijaiki ilo l̦õmn̦ak eo am̦ ta ko armej ro rej kõm̦m̦ani im kain rot eñjake ko aer.
Armej ro: Daina, Shikem, Jekõb, Simeon, im Livai
Men ko rar wal̦o̦k: Shikem ear ko̦kkure Daina im l̦õm̦aro jein Daina rar ukot nana kõn nana kõn aer kar kanooj illu.
1 ETALE BWEBWENATO EO.—RIIT JENESIS 34:1-31, UBS.
Ewi am̦ l̦õmn̦ak, ta ko Daina ear kõm̦m̦ani ippãn ro m̦õttan ilo Kenean?
․․․․․
Ilo am̦ baj l̦õmn̦ak, kain naan rot ko Shikem ear ba ñan ‘kajjioñ kõm̦m̦an bwe Daina en yokwe e’?
․․․․․
Ilo eoon 30, kain eñjake rot ko an Jekõb ke ej kauweike Simeon im Livai?
․․․․․
2 L̦ÕMN̦AK KÕN KAJJITÕK KEIN.
Baj l̦õmn̦ak m̦õk, etke ekar ikutkut an Daina aetõl jiroñ in Kenean ro? (Ñan waanjoñak, ta ko jiroñ rein rekõn kõm̦m̦ani me Daina ear bar kõn̦aan kõm̦m̦ani? Ta ko ear loi ippãn ri Kenean ro im ear jab loi ippãn baam̦le eo an?)
․․․․․
Ta ko emaroñ kar wõr ippãn Shikem me remaroñ kar kareel Daina? (Bar riiti eoon 3, 12, im 19.)
․․․․․
Ewi wãween an Baibõl̦ eo kalikkar bwe Daina ear jab kõn̦aan l̦õñ ippãn Shikem? (Bar riiti eoon 2.)
․․․․․
Ejim̦we ke an Simeon im Livai kar ukot nana kõn nana im m̦an em̦m̦aan ro ilo Shikem? El̦aññe aet ak jaab, etke?
․․․․․
3 JERBALI MEN KO KWAR KATAK KAKI. JE MEN KO KWAR KATAK KAKI . . .
Etke eaorõk bwe kwõn kããlõt ro m̦õttam̦ ilo mãlõtlõt?
․․․․․
Etke eaorõk bwe kwõn dãpij am̦ illu meñe kwõj kile bwe ewõr unin am̦ illu?
․․․․․
BAR L̦ÕMN̦AK KÕN KAJJITÕK IN.
Ta ko kwõmaroñ kõm̦m̦ani ñan bõbrae jãn an ro rejjab kautiej kien Jeova ko̦kkure eok?
․․․․․
4 TA EO ILO KATAK IN ME EAR LUKKUUN JELÕT EOK, IM ETKE?
․․․․․
El̦aññe ejjel̦o̦k am̦ Baibõl kwõmaroñ lale ilo online im ej ilo kajin belle www.watchtower.org