KAJJITÕK KO BAIBÕL̦ EJ UWAAKI
Etke Kũraij enaaj jepl̦aaktok?
M̦okta jãn an kar Jijej Kũraij wanlõñl̦o̦k ñan lañ ilo iiõ eo 33, ear kallim̦ur bwe enaaj bar jepl̦aaktok. Ear keidi e ñan juon eo ewõr an taitõl̦ ak eutiej me ej ilo̦k im to an jako im ñe ej bar jepl̦aak el̦ap maroñ ippãn ñan irooj. Unin an naaj Jijej jepl̦aaktok ej ñan bõktok juon kien em̦m̦an ñan armej ro.—Riit Luk 19:11, 12.
Jijej enaaj bõktok juon kien em̦m̦an ñan armej ro
Ñe Kũraij enaaj jepl̦aaktok, enaaj ke juon armej ak jetõb? Eokwe, ke ear jerkakpeje, ear juon jetõb me jeban loe. (1 Piter 3:18) Innem, ear wanlõñl̦o̦k ñan lañ im ear jijet ituanbwijmaroñin Anij. (Sam 110:1) Tokãlik, Jeova Anij ear kamaroñe bwe en irooj ioon armej ro. Kõn men in, ñe Jijej enaaj jepl̦aaktok, eban ãinwõt juon armej ak enaaj ãinwõt juon Kiiñ me jeban loe.—Riit Daniel 7:13, 14, UBS.
Ta eo Jijej enaaj kõm̦m̦ane ñe enaaj jepl̦aaktok?
Ñe Jijej im enjel̦ ro renaaj itok, Jijej enaaj ekajete armej ro. Enaaj ko̦kkure aolep ro renana im lel̦o̦k mour indeeo ñan ro rar kããlõt e bwe en aer Kiiñ.—Riit Matu 25:31-33; Sam 37:9-11.
Ilo iien eo Jijej enaaj irooj ioon lal̦, enaaj ukote bwe en juon pedetaij. Bareinwõt, enaaj kõmour ro rar mej bwe ren m̦õn̦õn̦õ im mour ilo Pedetaij eo ijin ioon lal̦.—Riit Sam 37:29; Jon 11:25.