Elukkuun l̦ap apañ im eñtaan ijin ioon lal̦, bõtab Anij eo ej ke kõm̦m̦an bwe men kein ren wal̦o̦k?
Ta eo Baibõl̦ Ej Ba?
Anij ej ke kõm̦m̦an bwe jen eñtaan?
Ta l̦õmn̦ak eo am̦?
Aet
Jaab
Bõlen
Ekkar ñan Baibõl̦
“En ettol̦o̦k jãn Anij bwe En kõm̦m̦an nana, im jãn Eo Ekajoor Bõtata bwe En kõm̦m̦an jab wãnõk.” (Job 34:10) Anij eban kõm̦m̦ani men ko renana. Kõn men in, jorrããn ko im men ko renana me jej loi aer wal̦o̦k ilo lal̦ in rejjab itok jãne.
Ta men ko jet Baibõl̦ ej ba?
Unleplep in an wal̦o̦k jorrããn ko im men ko renana ej kõn Setan Tepil̦, eo ej “irooj in lal̦ in.”—Jon 14:30.
Ekkã an bar jorrããn ko im men ko renana wal̦o̦k itok jãn jokãlõt ko rejjab em̦m̦an an armej ro.—Jemes 1:14, 15, UBS.
Enaaj ke jako ad eñtaan?
Jet armej rej tõmak bwe enaaj jako ad eñtaan el̦aññe aolep rej kate er im jerbal ippãn doon ñan bõbrae an wal̦o̦k apañ im jorrããn. Bõtab ro jet rejjab tõmak bwe men ko rej wal̦o̦k ilo lal̦ in renaaj em̦m̦anl̦o̦k. Ta l̦õmn̦ak eo am̦?
Ekkar ñan Baibõl̦
Anij enaaj jol̦o̦k eñtaan. Baibõl̦ ej kallim̦ur bwe “enaaj ejjel̦o̦k bar mej, im [armej ro] rejãmin bar liaajlo̦l̦, ak jañ, ak eñtaan.”—Revelesõn 21:3, 4.
Ta men ko jet Baibõl̦ ej ba?