Ta L̦õmn̦ak Eo Am̦?

Baibõl̦ eo emaroñ ke jipañ eok bwe kwõn erom jeran Anij?

JET ARMEJ REJ TÕMAK . . .

bwe rejjab maroñ erom jeran Anij kõnke rej rijjerawiwi im rej kõm̦m̦ani men ko rettoon. Im ro jet rej ba bwe Anij ejjab kea kake kõj. Ak baj kwe, ta l̦õmn̦ak eo am̦?

EKKAR ÑAN BAIBÕL̦

Anij ej epaake im “jerãik eo ruwãnõk.” (Jabõn Kõnnaan 3:32) Jemaroñ erom ro jeran Anij ñe jej pokake e.

TA MEN KO JET BAIBÕL̦ EJ BA?

• Anij ekõn̦aan jem̦jerãik kõj.​—Jemes 4:8.

• Ãinwõt juon M̦õttad, Anij elukkuun kõn̦aan jipañ kõj im jol̦o̦k ad bõd.​—Sam 86:5.

• Ro jeran Anij rej yokwe men ko ej yokwe im diki men ko ej diki.​—Rom 12:9 UBS.