Ta Menin Lel̦o̦k eo Kwõmaroñ Lel̦o̦k ñan Jeova?

JESUS ear ba: “M̦õn̦õn̦õ in lel̦o̦k el̦ap jãn bõk.” (Jrb. 20:35) Men in ej bar jitõñl̦o̦k ñan kõtaan eo ad ippãn Jeova. Etke jej ba men in? Eokwe, elõñ menin letok ko Jeova ear litok ñan kõj im rej kõm̦m̦an bwe jen m̦õn̦õn̦õ, bõtab el̦apl̦o̦k ad naaj m̦õn̦õn̦õ ñe jej bar lel̦o̦k juon menin lel̦o̦k ñan Jeova. Ta menin lel̦o̦k eo jemaroñ lel̦o̦k ñan Jeova? Jabõn Kõnnaan 3:9 ej ba: “Kwõn kaiboojoj Jeova kõn m̦weiõm̦.” Men ko ‘m̦weied’ ej kitibuj iien ko ad, jel̦ã im kapeel ko ad, kajoor ko ad, im jããn im m̦weiuk ko ad. Ñe jej kõjerbal men kein ñan rejetake kabuñ eo em̦ool ej ãinwõt ñe jej lel̦o̦k juon menin lel̦o̦k ñan Jeova. Ad kõm̦m̦ane men in, ej kõm̦m̦an bwe jen m̦õn̦õn̦õ.

Ñe ej itok ñan jããn im men ko m̦weied, ta eo enaaj jipañ kõj bwe jen jab mel̦o̦kl̦o̦k in lel̦o̦k menin lel̦o̦k ko ad ñan Jeova? Rijjilõk Paul ear ba ñan ri-Korint ro bwe ren “kõjenolo̦k jet m̦ani” ñan jabawõt. (1 Ko. 16:2, UBS) El̦aññe kokõn̦aan jel̦ã kõn wãween ko jet ñan jabawõt, ta eo kwõmaroñ kõm̦m̦ane? Jouj im lale bo̦o̦k eo itulal̦.

Ejjab aolep aelõñ remaroñ jabawõt ilo online. Bõtab, kwõmaroñ lo wãween ko jet ñan jabawõt, ilo jikin eo ilo weepjait eo ad me ej kõmel̦el̦e kõn kilen jabawõt. Ilo jet aelõñ, ewõr juon kõmel̦el̦e kar je ñan uwaake kajjitõk ko ekkã an ro jet kajjitõk kaki kõn jabawõt.