Kortokjen Ien in School
1 Ien in ej ien eo ilo yiõ eo ñe elõñ ajiri ro rej kajitõk: “Ij aikwij ke bar jeblak ñõn school kiõ?” Meñe emaroñ wor jet aitwerõk im inebata ko rej itok kin air jeblak ñõn school, ewor bareinwõt elõñ tokjen ko remõn jodikdik ro me rej kate ir bwe ren kortokjen ien air school remaroñ bõki
2 Juõn bedbed in education emõn emaroñ wor kwunair ñõn wõnmanlok eo ilo jitõb an juõn armij. Men eo juõn armij ej kõmmõne ñe ej juõn jodikdik emaroñ jelet men eo emaroñ kõtõbrake ñe ej juõn armij eritto. Meñe kin school, “jabrewõt eo armij ej jeor e, men in e naj bareinwõt marmir e.” (Gal. 6:7) Jodikdik ro me rej niknik ilo air katak ilo school remaroñ bõk kabel ko me renaj kõmmõn bwe en wor tokjeir ñõn Jehovah.
3 Lemnak lok iman ej men eo ej aikwiji elañe juõn enaj kõmmõn jokãlet ko rejimwe kin katak ko ilo school. Ro jemen im jinen ren jibañ ajiri ro nejiir ñõn kãlet katak ko me renaj lelok ñõn ir kaminene ko rekeie bwe ren maroñ jibadõklok mejenkajjik ko air ilo jitõb. Ilo air kalaplok kabel ko air, jodikdik ro renaj maroñ kabwe aikwij ko air make ilo jerbal in pioneer. Bedbed in education eo air en jibañ ir ñõn nebar Jehovah jekdon ia eo rej jerbal ie.
4 Jodikdik ro, kajeoñ in kortokjen ien in ami school. Ilo am kõmmõn eindein, lemnakelok am mour ilo juõn wãwen ewor melele ie ilo am kõmmõn jerbal ko rekwojarjar, jen am jibadõklok juõn jerbal ak career ilo lõl in. Kate yuk ñõn kajerbal mour eo am ñõn kõmõnmõn ankil an Jehovah. Ilo wãwen in, kwonaj kõmmõn bwe en emõn ial eo am, ñõn nebar eo an Jehovah.—Sam 1:3.