“Komin Ekkõl Wõt”
1 Elikin an kwalok kin men ko rekabwilõñlõñ me renaj kakõlleik ran ko eliktata an jukjuk im bed in, Jesus ear rejañ ri kalor ro an ñan air “ekkõl wõt.” (Mark 13:33, New World Translation) Etke Ri Christian ro rej aikwij ekkõl wõt? Kinke jej bed ilo ien eo elaptata an kauwatata ilo bwebwenato in armij. Jejjab maroñ kõtlok ad mejki ilo jitõb. Men in enaj walok ilo ad likjap in kaorõk jerbal eo Jehovah ear letoke ñan ad kõmmane ilo ien in ien jemlokin. Jerbal ta eo?
2 Jehovah ej kõmman bwe armij ro an ren keañ kin news eo emõn kin Ailiñ eo ibelakin lal—kejatdikdik eo wõt an armij. Ilo ad jerbal ibben dolul eo an Anij renaj kile kij einwõt Ri Christian ro remol, ro rej lemnak kin ien ko im aikwij eo ñan jibañ ro jet roñjake kin “nan ko nan in mour in drio.” (Jon 6:68) Ilo ad kijejeto in bõk kunad ilo jerbal in eaorõk, jej kamol bwe jej ekkõl wõt ilo jitõb.
3 Emmakit ñan Kwalok Nan: Einwõt Ri Kennan ro an Jehovah, jej aikwij bõk juõn lemnak emõn kin jerbal in kwalok nan eo ad. Yokwe ñan Anij im ri turid ej kamakit kij ñan bõk kunad ilo jerbal in kwalok nan. (1 Kor. 9:16, 17) Ilo ad kõmmane, jenaj make lomoren kij im bareinwõt ro rej roñjake kij. (1 Tim. 4:16) Jen bebe ilo buruõd ñan bõk kunad ilo joñan ad maroñ im ñan toan wõt eo jej aikwiji ñan kwalok kin kien eo emõntata emaroñ wõr ibben armij—Ailiñ in Anij!
4 Ewõr juõn men eaorõk eo ej kalikar ñan kij ekaiuriur in jerbal in kwalok nan eo ad—mol eo bwe eñtan eo elap enaj itok ñe jej kõmmane wõt jerbal in. Ad jaje ran eo im awa eo ej kõmman ad aikwij ekkõl wõt im bojak ien otemjej, im ilo mol in buruõd liki Jehovah. (Ep. 6:18) Joñan lapin jerbal in kwalok eo ad ej wõnmanlok im laplok wõt. Ak juõn ran ejjabto jen kiõ, jerbal eo elaptata ilo bwebwenato in armij ñan kwalok nan enaj tõbar joñan eo elaptata.
5 Ilo tiljek bokake kien eo an Jesus ñan “ekkõl wõt.” Men in elaplok an aorõk jen mokta. Kimij kejatdikdik bwe jenaj uak kin juõn eñjake in ekaiuriur. Rainin im ilo ran otemjej, jen meletlet, ekkõl, im kijejeto ilo jitõb ilo jerbal eo an Jehovah. Aet, jej aikwij “mmij im jadõr.”—1 Tess. 5:6.