Jibañ Ro Jet ñan Bed ilo Kwelok ko
1 “Jabdewõt ro jerad ijekein . . . me rekõnan bed ilo kwelok ko rej ruwainene in itok.” Jen ien eo ear walok kejelã in ilo November 1880 magazine in Zion’s Watch Tower, Ri Kennan ro an Jehovah rar kijejeto in kirtok armij ñan koba ibbeir ñan bõk nan in katak ko ilo Bible. (Rev. 22:17) Mõttan in eaorõk ilo kabuñ eo emol.
2 Eaorõk ñan Bed ilo Kwelok ko: Jerammõn ko rej walok ñe jej koba ibben congregation eo. Enaj emõnlok ad jelã kajjen Anij eo ad eaibujuij, Jehovah. Ilo congregation eo, jej kwelok ibben don bwe jen armij ro “Jehovah ear katakin ir.” (Ais. 54:13, NW) Dolul eo an ej kõlajrak juõn program ejjab bõjrak kin nan in katak ko jen Bible me rej karuaklok kij ñan e im ej letok jibañ ko rekeie ñan jerbale “aolepen bebe an Anij.” (Jerbal 20:27; Luk 12:42) Kwelok ko rej kamineneik kij bwe jen kabel in katakin armij kin Nan eo an Anij. Nan in kakememej ko jen Jeje ko rej jibañ kij ñan lañliñ in lo tõbrak kin kõtan ko remõn ibben ro jet im ibben Jehovah make. Koba ibben ro rej yokwe Anij ej kakajurlok tõmak eo ad.—Rom 1:11, 12.
3 Lelok juõn Nan in Kir Ekajju: Jen katak eo jinoin, kirtok kajjojo ri katak Bible ñan kwelok ko. Lelok juõn handbill ñan e. Kaitoklimoen ilo am kwalok juõn point jen kwelok eo lok me ear rejañ yuk im ilo am bõkmantak juõn men me renaj bwebwenato kake ilo kwelok in tok. Kwalok jekjekin Kingdom Hall eo, im kõmman bwe en jelã jikin eo ej bed ie.
4 Elañe ri katak eo ejjab mõkaj in itok ñan kwelok ko, wõnmanlok im kirtok e. Bõk jet minute ko kajjojo week ñan kwalok ñan e kin wãwen eo dolul eo ad ej jerbal. Kajerbal brochure eo Doing God’s Will im cassette in aluij eo Jehovah’s Witnesses—The Organization Behind the Name ñan kõmman bwe en jelã kajjed im kwelok ko ad. Bõk ibbam ri kwalok ro jet bwe ri katak eo en jelã kajjiir. Ilo jar, kamolol Jehovah kin dolul eo im kwalok kin aikwij eo an ri katak eo ñan koba ibben.
5 Kwon jab rumij in jibañ ro rekãl rej itoklimo ñan kwelok ibbed. Ñe kamolol eo air kin Jehovah ej eddeklok, men in enaj kamakit ir ñan jerbale ta eo rej katak kake im ñan erom mõttan dolul eo eburukuk an Anij.—1 Kor. 14:25.