Ta eo Kwomaroñ Ba kin Magazine ko

The Watchtower Dec. 15

“Ilo ien in jemlokin juõn yiõ, enañin aolep armij rej lemnak kin Jesus Christ, meñe rej tõmak ilo e ak jab. Jet rej ba bwe ejjab kar juõn mol in armij. Ta lemnak eo am? [Elikin an uak, readi Matu 16:15,16.] I jelã kwonaj mõnõnõ in readi katak in ikijen ‘Jesus eo Emol’ ñan lo wãwen eo ej jelet yuk rainin im wãwen eo enaj jelet yuk ilo ran ko renaj itok.”

Awake! Dec. 22

“Kwojjab errã ke bwe ñan kõmman bwe en jokane mour eo ad, jej aikwiji juõn ial in bõk mõñã ko jemaroñ liki? [Kõtlok an uak.] Lale ta eo Anij ear kallimuri armij ro an ilo ter ko an Bible. [Konono Livitikõs 26:4,5.] Awake! in ej etale inebata ko me rej walok rainin kin mõñã ko kijed. Ej bareinwõt jitõñlok ñan juõn ien ñe Anij enaj bõktok jokane ibelakin lal.”

The Watchtower Jan. 1

“Kwonañin lemnak ke taunin jet armij ebidodo air mour ke ro jet rej aikwij kate ir ñan kabwe aikwij ko air? Bible eo ej kwalok jidik kin men in. [Konono Job 34:19.] Magazine in ej kamelele kin ewi wãwen Anij enaj jolok kalijeklok.”

Awake! Jan. 8

“Ibelakin lal, makitkit lal ko kar bõktok elap mij im jorrãn. Ro rej le jen jorrãn eo ekkã an ejelok jikin air bed. Awake! in ej kwalok kin ewi wãwen elõñ rar maroñ kamadmõde tokjen ko rej walok elikin juõn makitkit lal. Ej bareinwõt kamelele kin ewi wãwen makitkit lal ko ewõr mõttan ilo juõn kanan ilo Bible elukkun lap an aorõk.”