Ta eo Kwomaroñ Ba kin Magazine ko

The Watchtower Jan. 15

“Elõñ armij rej kajerbal ekjap ko ilo air kabuñ. Kwoj lemnak ke bwe men kein ewõr air kajur ñan lomor? [Kõtlok an uak.] Joij im lale ta eo Anij eo emol naj kõmmane ñan kij. [Konono Reveles̃õn 21:3, 4.] Anij eo wõt emol an bed emaroñ kõtõbrak men kein. Magazine in ej kwalok kin wõn e im ewi wãwen jemaroñ bõk tokjen ilo ad likit ad kejatdikdik ilo e.”

Awake! Jan. 22

“An wõr juõn jikin ad jokwe emaroñ juõn men jejjab lukkun lemnak kake. Ak elõñ million ri rej ko ibelakin lal rej ito-itak ilo ejelok kejbãrok, im rejjab lo jokane eo rej bukõte. Magazine in Awake! ej etale ta unin ej walok abañ in im bareinwõt kallimur eo ilo Bible bwe juõn ien armij otemjej enaj wõr jikin air jokwe.”

The Watchtower Feb. 1

“Elap ad inebata kin an armij katton mejatoto eo. Ak kwo nañin lemnak ke kin wewin katton lemnak eo? [Kõtlok an uak.] Bible eo ej kalikar aorõkin ad erreo ilo enbwin im ilo jitõb. [Konono 2 Korint 7:1.] I jelã kwonaj lo bwe kamelele in enaj lap an jibañ im ekeie.”

Awake! Feb. 8

“Ejelok bere kwar lo bwe armij rej lañliñ ilo jinoin air belele, ak elõñ rej jebel tokelik. I kõnan door magazine in Awake! ibbam, bwe ej etale lemnak eo an Bible kin ewi wãwen ad maroñ kõmman bwe mour in belele en to an bed im ekamõnõnõ.”