Nan in Kakememej ko kin Kwojkwoj in Kememej Eo
Ilo yiõ in Kwojkwoj in Kememej eo enaj walok ilo Thursday, March 28. Elder ro rej aikwij lolorjake men kein tok ilal:
◼ Ñe komij karõk awa in kwelok eo, kememej wõt in jab jaketo-jaketak bread im wine eo mae elikin an tulok al.
◼ Kom aikwij kejelãik armij otemjej, ekoba eo ej kwalok katak eo, kin awa eo im jikin eo kom naj kõmmane kwojkwoj eo ie.
◼ Kom aikwij keboje im kajerbal bread im wine eo ekkar ñan kwojkwoj eo.—Lale February 15, 1985, Watchtower, peij 19.
◼ Plate ko, cup ko, im juõn table emõn kab nuknuk in kalibubuik table eo kom aikwij bõktoki im likiti ilo jikin eo komnaj kõmmane kwojkwoj eo ie ilo ien lok iman.
◼ Kom aikwij lukkun karreo mõn kwelok in Kingdom Hall ak jikin eo komnaj kõmman kwojkwoj eo ie ilo ien lok iman.
◼ Ro rej lale kejam im jaketo-jaketak bread im wine kom aikwij kãlet ir im katakin ir ilo ien lok iman kin wãwen kõmmane eddo ko air, kilen eo ekkar rej aikwij lore, im aikwij eo ñan naballir kin nuknuk ko rekkar im karbõb im emõn baotokiir.
◼ Kõmman karõk ko ñan jaketo-jaketak bread im wine eo ñan jabdewõt ri kabit ro im ro renañinmij rejako jen kwojkwoj eo.
◼ Ñe elõñlok jen juõn congregation kajerbal ejja Kingdom Hall eo wõt, congregation kein rej aikwij karõk ibben don ñan bõprae air kobaje jikin etetal ak kõttar ak jikin park wa ko.