Ekkal eo Ibelakin Lal kin Kingdom Hall ko ilo Jet Ailiñ ko ilo Europe
1 Ilo elõñ yiõ ko rej kab motlok jerbal eo an Ri Kennan ro an Jehovah ear wõr joñan air maroñ kõmmane ilo elõñ ailiñ ko ilo Europe, ekoba Eastern Europe. Ilo elõñ case ko, kien in kemo ko ear lap air kijñeñe. Ear bin air kõmman kwelok ko ilo anemkwoj, im ear bin otem bin ñan kajerbal juõn Kingdom Hall. Bõtab, ilo yiõ ko kiõ, “Jeova e ar kõmõn men ko relap ñõn kim, kimuij mõnõnõ kaki.”—Sam 126:3.
2 Jinoe ilo 1983, kemo ko ion Ri Kennan ro an Jehovah ear jino diklok. Ilo 1989, Poland im Hungary rar kamelim jerbal eo an Ri Kennan ro an Jehovah. Ilo 1991, kien eo ear register jerbal eo an Ri Kennan ro an Jehovah ilo Russia. Jen ien eo, jerbal eo ear laplok ilo Russia im ilo ene ko mokta an Soviet Union. Ikõtan yiõ ko jen March 1996 im October 1998, Governing Body eo ear kowãppen 359 kajitõk kin muri ko jen ra ko rej lolorjake 11 ailiñ ko ilo Europe ñan kalek Kingdom Hall ko.
3 Ke kwoj lale pija ko ilo insert (peij eo iloa) in, kalmenlokjen kin men ko relap im kabwilõñlõñ Jehovah ear kõmmani kin armij ro an. (Sam 136:4) Kwonaj mõnõnõ in jelã bwe jabawõt ko jen dolul in jimjãn jimjatin ibelakin lal rej kajerbali ilo wãwen ko remõntata, im ej kamol kin ta eo Jesus ear ba, einwõt emwij je ilo Jon 13:35: “Ilo men in armij otemjej re naj jela bwe komij dri kalora, elañe komij yokwe dron.”
4 Ibwiljin ailiñ ko ilo Europe me rej bõk tokjen jen karõk eo ñan jibañ kalek Kingdom Hall ko ilo ene ko rejeramel ej Romania, ijo rar kalek 36 Kingdom Hall ko jen July 2000. Ilo air kajerbal juõn wõt joñok in ekkal eo kin enañin aolep Kingdom Hall ko air, Ukraine ear kalek 61 ilo yiõ 2001 im 76 ilo 2002. Kin jibañ jen money ko kar jabawõt kaki ñan Kingdom Hall Fund eo, rar kalek elõñ buki Kingdom Hall ko ilo Bulgaria, Croatia, Macedonia, Moldova, Russia, im Serbia and Montenegro.
5 Jerbal in kalek Kingdom Hall ko ilo jet ailiñ ko ear jab bidodo, im rar aikwij in kõmman elõñ jibadbad ko mokta jen air maroñ jino ekkal. Kebojak ko kin ekkal eo ekkã an bõk ien. Bareinwõt, wõnãn eo ñan kalek juõn Kingdom Hall ilo jikin en ilo Europe elaplok jen elõñ jikin ko ilo Africa ak South America. Bõtab, kin laplok eo elap in oran ro rej kabuñ ñan Jehovah, rej aikwiji wõt elõñ buki Kingdom Hall ko ilo ailiñ ko ilo Europe me rejeramel!
6 Elap an kabwilõñlõñ ñan lo laplok rot in elap kin kalek Kingdom Hall kein! Juõn ennan emõn kar walok ilo jikin ko ijo rar ekkal ie, einwõt elõñ experience ko rej kwaloki. Ilo jet jikin ko, ri utiej ro an bukwon eo rar bwilõñ kin jitõb in mõnõnõ eo rar kwaloke ñan lor kien ekkal ko.
7 Isaiah ear jejjet an kanan kin laplok eo kin kabuñ eo emol ilo ien in. Ikijen ri kanan eo Anij ear kanan: “Ña Jeova I naj bikbikri ilo ien eo an.” (Ais. 60:22) Ilo mol, iumin joñoul yiõ ko rej kab motlok rej kamol kin ien eo an Jehovah kin laplok ko ilo Eastern Europe. Kimij kejatdikdik bwe Jehovah enaj wõnmanlok im lutõktok kajerammõn eo an elap ion jibadbad ko ad ñan kamõkajlok jerbal in kalek Kingdom Hall ko ilo elõñ ailiñ ko ke jej lelok jabawõt ko ñan Kingdom Hall Fund eo! Men in enaj walok ilo elõñlok Kingdom Hall ko ilo ene ko rejeramel. Enaj wõr kunan ñan eddeklok eo kin kabuñ eo erreo ilo elõñ jikin ko ilo Europe im bwe en walok juõn ennan elaplok “ñõn jabõn lõl etoloktata.”—Jerbal 13:47.
[Pija ko ilo peij 3]
Kingdom Hall Complex Moscow, Russia
[Pija ko ilo peij 4-6]
Kingdom Hall ko Rekãl ilo Eastern Europe
Strumica, Macedonia
Daruvar, Croatia
Sokal, Lviv District, Ukraine
Bitola, Macedonia
Sofia, Bulgaria
Plovdiv, Bulgaria
Krasnooktyabrskiy, Maykop Area, Russia
Bački Petrovac, Serbia im Montenegro
Tlumach, Ivano-Frankivsk District, Ukraine
Rava-Ruska, Lviv District, Ukraine
Stara Pazova, Serbia im Montenegro
Zenica, Bosnia im Herzegovina
Sokal, Lviv District, Ukraine
Zhydachiv, Lviv District, Ukraine