Jen Kõmman Bwe Jikin Kabuñ eo Ad En Emõn Kejbãroke
1 Ibelakin lal ewõr elõñlok jen 94,000 congregation ko an Ri Kennan ro an Jehovah. Ilo enañin aolep congregation ko rej koba ibben don ñan katak Bible eo im kin kamao eo an Christian ilo Kingdom Hall eo, jikin eo ilo bukwon eo me ej jerbal einwõt jikin kabuñ eo erreo.
2 Schedule eo ñan Keini Karreo: Jerbal eo jej kõmmane ñan kejbãrok Kingdom Hall eo ej juõn mõttan eaorõk ilo jerbal eo ad ekwojarjar. Our Ministry book eo ej ba ilo peij 61-2: “Brother ro ren watõke einwõt juõn jerammõn ñan jurake Kingdom Hall eo ejjab ikijen wõt lelok jabawõt ko ak bareinwõt ñan lelok ir make ñan jibañ kejbãroke bwe en erreo, en emõn an ro jet lale, im emõn wãwen. Iloan im ilikin jimor, Kingdom Hall eo en ekkar an jutak ikijen dolul eo an Jehovah.” Ilo air kajerbale Kingdom Hall eo elõñ alen ilo kajjojo week, ewõr juõn aikwij ñan keini karreoiki im kejbãroke. Ekkã an ro rej mõnõnõ in lelok ir make jen congregation eo (ko) me (r)ej kwelok ilo Kingdom Hall eo rej lolorjake men kein. Einwõt ilo ien Bible ko, ri karejar ro an Jehovah rainin rej aikwij tiljek in “karbin im kõkãl” jikin kabuñ eo ad.—2 Kron. 34:10.
3 Ren likit ion board in kejelã eo juõn schedule in karreo Kingdom Hall eo kajjojo week. Kumi in book study ko aolep ren kajjojo bõk kunair karreo Kingdom Hall eo kajjojo week, ilo air lor juõn lajrak in men ko rej aikwij kõmmani. Aolep ro remaroñ rej aikwij bõk kunair ilo jerammõn in kajjojo week ñan kõmman bwe Kingdom Hall eo en erreo im emõn. Ilo an jemen im jinen lale ir, ajiri ro remaroñ bõk kunair, im ilo wãwen in katakin ir ñan kwalok air kamolol kin jerammõn in. Elaptata ñe elõñlok jen juõn congregation rej kajerbal juõn Kingdom Hall, eaorõk bwe en emõn air jerbal ibben don bwe en jab jet wõt rej lale wãwen in aorõk kin kabuñ eo ad.
4 Remaroñ je juõn lajrak in men ko rej aikwij kõmmani, im likiti bõlen ilo jikin eo aolep kein jerbal ko rej bed ie. Lajrak in en kitibuj jerbal ko rej aikwij kõmmani kajjojo week, ekoba vacuum, karreo window ko, iri lõñin counter ko, jolok kobij ko, mop, im karreo kapjur ko. Jet jerbal ko ejjab aikwij ikutkut air kõmmani, einwõt kajatõltõl men ko kõmman jen alal im an let air karreo jea ko, katiin ko, im tõma ko. Aolep uno ko rej kajerbali ñan karreo rej aikwij likiti ijo ajiri ro rejjab maroñ jibwe im ren kakõlleiki ilo alikar. Ren je juõn kamelele ekadu kin ewi wãwen remaroñ kajerbale uno eo.
5 Kejbãrok bwe en ejelok jorrãn ko re jidimkij ren walok ilo Kingdom Hall eo ej men eo elaptata an aorõk. (Dut. 22:8) Ikijen men in, box eo ilo peij 4 ej kõlajraki jet men ko rej aikwij lali jen ien ñan ien bwe ren maroñ bõprae jorrãn ko jen air jidimkij im walok.
6 Kejbãrok Kingdom Hall eo: Kumi in elder ro ej air eddo eo ñan lolorjake air kejbãrok Kingdom Hall eo. Ekkã, air jitõñ juõn elder ak ministerial servant ñan karõk jerbal eo. Ej karõk jerbal ko jen ran ñan ran an Kingdom Hall eo, im kõmman bwe en erreo im emõn wãwen im ej bwe kõbwebweien kein jerbal ko. Eaorõk bwe en ejelok wãwen ko rekauwatata iloan mõn kwelok eo ak i melan. Ñe ruo ak elõñlok congregation ko rej kajerbal ejja mõn kwelok eo wõt, kumi in elder ro renaj jitõñ juõn operating committee ñan kõmman karõk ko ñan kejbãrok mõn kwelok eo im melan eo. Committee in ej jerbal iumin tel eo an kumi in elder ro.
7 Juõn etale elet kin Kingdom Hall eo ren kõmmane yiõ otemjej. Elder ro rej lolorjake men in ilo air kajutak karõk ko bwe en let air lale men ko rej aikwij kõmmani. Remaroñ kir ri kwalok ro ñan jibañ kõkãl im kejbãrok mõn kwelok eo. Aolep ren bojak in kajimwe men ko edik tokjeir bareinwõt im ren mõkaj in kõmmane men ko rej aikwij lali.
8 Elañe elder ro rej aikwiji kakabilek ak jibañ ñan kejbãrok Kingdom Hall eo, remaroñ kebak Guam Branch Building Committee eo. Men in emaroñ koba men ko einwõt kejbãrok carpet eo, etale im kõmmane heating (kõmãnãn) im air-conditioning unit ko, im kamadmõde abañ ko kin mõlawi (ettal ko, lirouwe, im men ko eierlok wõt) ilo mõn kwelok eo.
9 Kajerbal Money eo an Congregation eo ilo Meletlet: Enañin aolep jerbal ko rej kõmmani ilo Kingdom Hall eo im melan eo ro rej mõnõnõ in lelok ir make rej kõmmani. Jibadbad ko rej kõmmani ilo air jab lemnak kin ir make ej juõn wãwen emõn ñan kwalok yokwe im elap an jibañ ñan kadiklok wõnãn. Elañe ej juõn men in aikwij ñan kajerbal juõn contractor ñan kõmmane jet jerbal ko, einwõt ñan mõnmõn kij ko (termite, kulul), elder ro rej bukõt ial eo ediktata wõnãn ñan kõmmane jerbal eo. Ñan kõmman men in rej keboj mokta juõn kamelele ilo tibdikdik kin jerbal eo rej aikwij kõmmane im jabdewõt kõbwebweien ko rej aikwiji. Juõn copy in lajrak in rej leloke ñan elõñ business ko bwe aolep en wõr ejja melele eo wõt kin men in aikwij ko ñe rej kadeloñ bid eo air. Elikin air bõk peba in bid ko jen jet business ko, elder ro remaroñ kãlet eo emõntata. Rej lor wãwen in meñe juõn brother ear ba bwe enaj kõmmane jerbal eo ak lelok kõbwebweien ko rej aikwiji ilo juõn wõnãn ejejjet.
10 Elder ro rej bareinwõt bõk buñten nee ko ñan bõk exemption anemkwoj jen air kõllã owõj in property (weto) im sales (wiakake), ñe remaroñ. Ñe elõñlok jen juõn congregation rej kajerbal Kingdom Hall eo, operating committee eo ej kejbãrok juõn checking account ejenolok im rej lelok juõn report in account ñan kajjojo kumi in elder ro, ilo wãwen in rej kejelãik elder ro kin ewi wãwen rej kajerbal money ko. Elder ro rej bõk eddo eo bwe en ekkar wãwen air kajerbal money eo an congregation eo.
11 Kejbãrok im Kõkãl ko Relap: Ñe operating committee eo ej lo bwe juõn jerbal elap im ej juõn men in aikwij ikijen wãwen an jerbal ak kejbãrok Kingdom Hall eo, committee eo ej kameleleik men in ñan kumi in elder ro ñan bõk tel jen ir. Elañe rej bebe bwe kejbãrok ak kõkãl ko relap rej men in aikwij ak bwe rej aikwij bõk jibañ jen ilikin congregation eo (ko) ej kajerbale Kingdom Hall eo, elder ro ren kebak Guam Branch Building Committee eo. Brother rein ewõr air maroñ im iminene remaroñ lelok nan in rejañ ak nan in jiroñ ko rej jibañ ñan tel jerbal eo. Elañe ej kitibuj juõn wõnãn elap, enaj juõn men in aikwij ñan antonelok wõnãn ko rejejjet im ñan keboj juõn resolution bwe congregation eo en kowãppene.—Lale February 1994 Ad Jerbal Ñan Ailiñ Eo Box in Kajitõk eo.
12 Elap ad kamolol kin jerammõn eo ad ñan kuktok ibben don ilo Kingdom Hall eo! Jejjab kõnan jerwane kwelok ko ad ak kajettokjeir. Aolep remaroñ bõk kunair ñan kõmman bwe men in letok in en wõr tõbrakin ñan kõketak eo ad ilo ad bõk kunad ilo joñan wõt ad maroñ ñan kejbãroke Kingdom Hall eo ad. Men in ej kaibujuij kabuñ eo emol im bõktok nebar ñan ãt eo etan Jehovah. Jen bebe ñan kejbãrok jikin kabuñ eo ad.
[Box on Peij 4]
Kejbãrok Mweo im Weto eo
◻ Inabõj: Bõrwoj eo, kiin mweo, uno eo, window ko, im sign in Kingdom Hall eo ej emõn ke air kejbãroki?
◻ Melan ko: Emõn ke air kejbãroke melan ko? Emõn ke wãwen jikin etetal ko, worwor ko, im jikin park wa ko?
◻ Loan: Katiin ko, jea ko, tõma ko im faucet in den ko, kiin mweo, im jikin book ko emõn ke ad lali?
◻ Kein jerbal ko: Emõn ke an jerbal tõma ko, kein konono ko, ial in toor kõto, im air-condition eo?
◻ Mõn Kebojak ko: Rerreo ke im emõn air jerbal?
◻ Congregation document (peba) ko: Corporation im trusteeship peba ko rekãl im jimwe ke?
[Box eo ilo peij 4]
Safety Checklist (Lajrak in Kejbãrok Men ko)
◻ Fire extinguisher (kein ikkun kijeek) ko ren bed ilo juõn jikin ebidodo bõki im ren lale yiõ otemjej.
◻ Exit (jikin dioj) ko ren kakõlleiki ilo alikar, en emõn air ebbõl, im en bidodo tõbari.
◻ Room ko ñan kakonkon mweiuk ak kein jerbal ko im jikin kebojak ko ren erreo, kwon, im enjelok men ko ebidodo air bwil, men ko mweien armij make im kobij ko.
◻ Bõrwoj im tããñ ko itõrerein bõrwoj eo ren keini air lale im karreoiki.
◻ Jikin etetal im jikin park wa ko ren emõn air meram im enjelok men ko remaroñ kõmman an armij jikeet ak tipjek.
◻ Electrical im ventilation system ko ren lale im kejbãroki.
◻ Jabdewõt ettal ko ren mõkaj in kõmmani ñan bõprae abañ ko kin mõlawi.
◻ Mweo en lock ñe ejelok armij ilo jikin eo.
[Kajjitõk ko]
1. Ta karõk eo an Kingdom Hall eo?
2. Etke eaorõk bwe Kingdom Hall eo en erreo im emõn ad lale?
3. Ewi wãwen rej karõk lajrakin karreo Kingdom Hall eo, im wõn ro remaroñ bõk kunair ilo jerammõn in?
4. Ta eo ren kõmmane bwe congregation eo en jelã ta eo rej aikwij kõmmani ñe rej karreo Kingdom Hall eo?
5. Ewi aorõkin kejbãrok, ta men ko rej aikwij lali jen ien ñan ien? (Lale box eo ilo peij 4.)
6. Ewi wãwen rej lolorjake jerbal eo ñan kejbãrok Kingdom Hall eo?
7. (a) Ta eo rej kõmmane kajjojo yiõ ñan kõmman bwe Kingdom Hall eo en emõn kejbãroke? (b) Ta men ko rej aikwij lale jen ien ñan ien? (Lale box eo ilo peij 4.)
8. Ñããt eo elder ro rej aikwij kebak Guam Branch Building Committee eo kin men ko ikijen kejbãrok mõn kwelok eo?
9. Ta buñten nee eo ren lore elañe ewõr juõn aikwij ñan kajerbal juõn contractor?
10. Ta eo rej kõmmane bwe en ekkar wãwen air kajerbal money eo an congregation eo?
11. Ta eo ren kõmmane elañe juõn jerbal elap ñan kejbãrok ak kõkãl mõn kwelok eo ej juõn men in aikwij?
12. Ewi wãwen jemaroñ kwalok ad kamolol kin jerammõn eo ñan bed ilo kwelok ko ilo Kingdom Hall eo?