Ta eo Jemaroñ Ba Kin Magazine ko

Imõniaroñroñ March 2004

“Elõñ bebe ko jej jelmaiki elap air jelet mour ko ad. Ta eo emaroñ jibañ kij ñan bõprae ad kõmman bebe ko rejjab men in meletlet? [Kõtlok an uak. Inem konono Jabõn Kennan Ko 3:6.] Magazine in The Watchtower ej kwalok kin lalem nan in tel ko rej wawa ion Bible me remaroñ jibañ kij ñan kõmman bebe ko remeletlet. Einwõt ej kwalok ilo peij 2 ilo magazine in, jerbal eo ad ej wõnmanlok ikijen jabawõt ko an armij. Elañe kwo kõnan letok jidik jabawõt ñan jibañ jerbal in, kimij mõnõnõ in bõke.”

The Watchtower Mar. 15

“Kimij kõnan kir yuk ñan kememe Kwojkwoj in Kejota eo an Iroij ilo Sunday, April 4. [Kamelele ilo am kajerbal peij eo itulik in magazine in ak peba in kir eo ñan Kwojkwoj in Kememej eo. Inem konono Luk 22:19.] Katak ko jinoin ilo magazine in The Watchtower ej bwebwenato kin melele eo kin men in walok in im ewi wãwen kimij kõmmane.”

Awake! Mar. 22

Elikin am kwalok kin juõn jorrãn elap me armij rej lemnak kake, kajitõk: “Kwonañin ke lemnak kin etke Anij ej kõtlok bwe men kein ren walok? [Kõtlok an uak. Inem konono Jemes 1:13.] Katak in, eo kar je elaptata ñan jodikdik ro, ej kamelele kin etke Ri Kõmanman eo ad eyokwe ejañin emmakit ñan an bõktok jemlokin eñtan eo an armij.”