Kõmman Bible Study ko Rej Wõnmanlok

Part 1: Ta In juõn Bible Study?

¹ Ibelakin lal, armij ro an Anij rej kõmman enañin jiljino million Bible study ko kajjojo alliñ. Ilo ad kajerbal kõl ko remõn kilen katakin, jemaroñ jibañ ri katak Bible rein ñan wõnmanlok ñan air wujleplok air mour im baptais im ewõr air “maroñ in katakin ro jet.” (2 Tim. 2:2) Kwokõnan ke jibañ ri katak ro am ñan kõmman wõnmanlok rot in? Jino ilo copy in, Ad Jerbal Ñan Ailiñ Eo enaj kwalok juõn lelkan in katak ko me renaj kamelele kin bedbed in wãwen ko ñan kõmman Bible study ko rej wõnmanlok.

² Ñããt eo Jemaroñ Reporte juõn Bible Study: Elañe ekkeini am bwebwenato kin Bible eo im lor juõn lajrak in katak, meñe ekadu, im kajerbal Bible eo ibben juõn book me rej rejañ kake, kwoj kõmmane juõn Bible study. Men in ej mol meñe katak eo ej walok iturin kejam in mweo imõn armij eo ak ikijen kajerbal telephone eo. Kwomaroñ reporte katak eo ñe emwij am kõmmane ruo alen elikin kwar kwalok kilen kõmmane katak eo im elañe ewõr unin am tõmak bwe katak eo enaj wõnmanlok wõt.

³ Jen Kõmmõne brochure eo im book eo Jelãlokjen rej book ko jej kajerbali ñan kõmman Bible study ko. Elikin an dedelok air katak kaki, im elañe ewõr kein kamol bwe armij eo ej kõmman wõnmanlok ko, meñe jidik kin jidik, im ej kaddeklok kamolol eo an kin ta eo ej katak kake, inem katak eo emaroñ wõnmanlok ilo Worship God (Kabuñ ñan Anij) book eo. Kwomaroñ kajerbal brochure eo Kwomaroñ Jeran Anij! ñan katak ibben armij ro ejabwe jelãlokjen ibbeir ak air maroñ in read.

⁴ Jerbal in katak Bible eo ear keie ñan jibañ elõñ million armij ñan erom ri kalor ro remol an Jesus Christ. (Mat. 28:19, 20) Ilo am jerbale nan in rejañ ko rej litoki ilo lelkan in katak ko renaj walok, kwonaj maroñ kõmman juõn Bible study eo ej wõnmanlok.