Kõmman Bible Study ko Rej Wõnmanlok
Part 3: Ekeie Wãwen Am Kajerbal Eon Ko
1 Unin jej kõmman Bible study ko ej ñan kõmõn ‘dri kalor ro’ ilo ad jibañ armij ñan melele im bõk katak ko ilo Nan eo an Anij im ñan jerbali ilo air mour. (Mat. 28:19, 20; 1 Tess. 2:13) Kin men in, katak eo en keolaplape nan ko ilo Jeje ko. Mokta, ej juõn men in jibañ ñan kwalok ñan ri katak ro kilen bukõt eon ko ilo Bible eo air make. Ak, ewi wãwen jemaroñ kajerbal Jeje ko ñan jibañ rein ñan kõmman wõnmanlok ilo jitõb?
2 Kãlet Eon ko ñan Readi: Ñe kwoj kebojak, lale ewi wãwen kajjojo eon ilo katak eo ej rejetak point eo kwoj etale, im bebe kin ta eon ko kwonaj lali im bwebwenato kaki ilo katak eo. Ekkã an emõn ñan read eon ko me rej kwalok bedbed in tõmak ko ad ekkar ñan Jeje ko. Ejjab juõn men in aikwij ñan read eon ko me rej letok wõt melele ko. Lemnak kin aikwij ko im wãwen ko ibben kajjojo ri katak.
3 Kajerbal Kajitõk ko: Jen am kameleleik ri katak eo kin eon ko ilo Bible, kõmman bwe ren kameleleiki ñan yuk. Kwomaroñ jibañ ir ñan kõmman men in ilo an keie am kajerbal kajitõk ko. Elañe ealikar wãwen jerbale eon eo, kwomaroñ baj kajitõk wõt kin ewi wãwen eon eo ej rejetake ta eo paragraph eo ej ba. Ilo wãwen ko jet, kwomaroñ aikwij kajerbal kajitõk ko elaplok air jejjet ñan tel ri katak eo ñan bõk juõn jemlok ejimwe. Elañe ej aikwiji kamelele ko jet, kwomaroñ kõmmani elikin an ri katak eo uak.
4 Kõmman Bwe En Lamwan: Juõn ri libon etijemlok ej aikwij juõn wõt made ñan kalel kein kõjjeroro eo. Eindein, juõn ri kaki ekabel ejjab aikwij elõñ nan ko ñan kalikar juõn point. Emaroñ kwalok melele ko ilo juõn wãwen elamwan, alikar, im jimwe. Jet ien, kwomaroñ aikwij kõmman research ilo book ko an Christian ñan melele kin juõn eon im kameleleiki ilo jimwe. (2 Tim. 2:15) Ak bõprae am kajeoñ in kamelele kin aolep wãwen ko ñan melele kin kajjojo eon ko ilo katak eo. Kobaik eon ko wõt im rej men in aikwij ñan kalikar point eo komij etale.
5 En Keie Wãwen Am Jerbale: Ñe ekkar, jibañ ri katak eo ñan lo ewi wãwen eon ko ilo Bible rej jerbal ñan e make. Ñan wanjoñok, ñe kwoj etale Dri Hibru 10:24, 25 ibben juõn ri katak eo ejañin bed ilo kwelok ko an Christian, kwomaroñ bwebwenato ibben kin juõn ian kwelok ko im kirtok e ñan an itok. Ak bõprae am jibed e. Kõtlok bwe Nan in Anij en kamakit e ñan emmakit bwe en kabuñburuen Jehovah.—Hib. 4:12.
6 Ke jej kajejjet jerbal eo ad ñan kõmman ri kalor ro, jen kalaplok “bokake kin tõmak” ikijen an keie wãwen ad kajerbal Jeje ko.—Rom 16:26.
[Kajjitõk ko]
1. Etke jej aikwij kalikar eon ko ilo Jeje Ko ñe jej kõmman Bible study ko?
2. Ewi wãwen jej bebe kin ta eon ko ilo Bible jej aikwij read im etali?
3. Ta tokjen kajerbal kajitõk ko, im ewi wãwen jemaroñ kõmmane men in?
4. En ewi joñan ad kamelele kin eon ko jej readi?
5, 6. Ewi wãwen jemaroñ jibañ ri katak ro ñan jerbale Nan eo an Anij ilo mour eo air, ak ta eo jej aikwij bõprae?