Kimij Aikwiji Jibañ eo Am
1 “Kimij kamolol kom kin aolep men ko komij kõmmani ñan kim. Elap an wõr tokjen jerbal eo ami ñan kim.” Nan kein rej kwalok kamolol eo jej eñjake kin elder ro im ministerial servant ro. Ke dolul eo an Anij ej laplok wõt, ien otemjej enaj wõr aikwij eo kin emaan ro reritto ñan jerbal ilo enañin 100,000 congregation ko ibelakin lal. Elañe kwoj juõn brother emwij am baptais, kimij aikwiji jibañ eo am.
2 “Bukot”: Ewi wãwen kwomaroñ bukõt jerammõn in jerbal ko jet? (1 Tim. 3:1) Elaptata, ilo am kõmman juõn joñok emõn ilo aolepen wãwen mour eo am. (1 Tim. 4:12; Taitõs 2:6-8; 1 Pit. 5:3) Kwon bõk kunam joñan wõt am maroñ ilo jerbal in kwalok nan, im jibañ ro jet ñan kõmman eindein. (2 Tim. 4:5) Kwalok am itoklimo kin wãwen bed eo an ri tõmak ro mõttam. (Rom. 12:13) Kwon juõn ri katak emõn kin Nan in Anij, im kaddeklok kabel eo ñan “katakin.” (Taitõs 1:9; 1 Tim. 4:13) Kwon tiljek in lolorjake jerbal ko elder ro rej lewõj. (1 Tim. 3:10) Elañe kwoj bõran juõn family, ‘en emõn am iroij i mweo imõm.’—1 Tim. 3:4, 5, 12.
3 Ke kwoj jerbal einwõt juõn ministerial servant ak elder ej kitibuj elap jerbal im ej aikwij am kwalok juõn jitõb in karmijete kõnan ko am. (1 Tim. 5:17) Kin men in, ñe kwoj bukõt jerammõn ko relaplok, kate yuk ñan karejar ñan ro jet ilo ettã buru. (Mat. 20:25-28; Jon 13:3-5, 12-17) Kalmenlokjen kin kadkadin Timothy, im kate yuk kajeoñe. (Pil. 2:20-22) Einwõt e, kõmman bwe mwilõm en kwalok kin yuk ilo emõn. (Jerbal 16:1, 2) Ke kwoj kaddeklok kadkad ko lor jitõb kwoj aikwiji ñan jerbale eddo ko jet im ñan jerbale jabdewõt nan in kakabilek ko kwar bõki ñan kakõmanmanlok kwe make, “am wõnmanlok [enaj] alikar ñõn ro otemjej.”—1 Tim. 4:15.
4 Ro Jemen im Jinen, Katakin Ro Redik ñan Jibañ: Ajiri ro remaroñ jino katak ñan jibañ jen ke rej dik wõt. Katakin ir ñan roñjake ilo kwelok ko, ñan kwalok nan, im kõmman bwe en emõn mwiliir ilo Kingdom Hall eo im ilo school. Katakin ir ñan karejar ñan ro jet, ilo kõmmane men ko einwõt jibañ karreoik Kingdom Hall eo, jibañ ro reritto, im men ko eierlok wõt. Kõtlok bwe ren edjoñe mõnõnõ eo ej itok jen lelok. (Jerbal 20:35) Katak kein remaroñ jibañ ir ñan erom pioneer ro, ministerial servant ro, im elder ro ilo ran ko renaj itok.